ایکناخبری اژانس راپور راکړ،په الهي  دینونو کې  دکال ځينو وختونو او ورځو ته ډير پام شوی او ځانګړی اهمیّت ئې غوره کړی دی.شعبان میاشت یوه هغه  میاشت ده چې د اسلام په دین کې خاص اهمیّت لري  او د مومنانو د ورحاني ودې لپاره  پکې دخاصو عملونو سپارښتنه شوې ده .

 شعبان المعظم  د قمری هجري کال د کال هیندارې  اتمه میاشت ده  چې مسلمانان پکې  خاص آداب او عملونه ترسره کوي.  د اسلام ګران پیغمبر حضرت محمد مصطفی(ص) فرمائيلي دي ، رجب میاشت د خداي میاشت ده ، شعبان میاشت دما میاشت ده او  او  دروژې مبارکه میاشت هم د ما د امت میاشت ده .

دغه رازئې په  په یوه بل ځاي کې فرمائيلي دي ؛شعبان دما میاشت ده ،  خداي د وبخښي هغه څوک چې    له ما سره په دغه میاشت کې ملګرتیاوکړي ::  البته  باید پوهه شو چې  په شعبان میاشت کې د خداي له رسول سره  مرسته  څه معنا لري . ؟

 له صفوان جمال څخه روایت شوي  چې وئیلي ئې دي ،  حضرت امام صادق علیه السلام  راته وفرمائيل ؛ هغه کسان  مجبوره کړه چې  د تاشاوخوا کې دي  د شعبان میاشتې  روژې ته، یعني هغو کسانو ته چې د تاشاوخوا موجود دي  د شعبان دمیاشتې د  روژو ساتنې سپارښتنه ورته وکړه .،  نو ما ورته عرض وکړ ، زه له تاقربان شم،  مګر  په دې کې څه فضیلت  وینئ ، وې فرمائيل ؛ هو! په رښتیا چې  دخدای رسول  هرکله  دشعبان  میاشت لیدله ، نوهغه جارچي ته چې  په مدینې کې ئې نغاره غږوله ،  امر کاوۀ، چې اعلان وکړه ،  ائ د مدینې  اوسیدونکو ، زه د خداي له خوا پر تاسو مبعوث شوی یم ،  خبر شئ ، شعبان دما میاشت ده ،نو خداي دې رحمت وکړي پر هغه چا چې  په دغه میاشت کې له ماسره ملتیا (مرسته ) وکړي ،یعني  روژه وساتي .

 د روژي ساتل  له سهار وختي څخه تر غروب پورې له خوراک او څښاک څخه ډډه کول  دي ، خو د روژتي  کمال په دې حد کې نه خلاصه کیږي ،روژه په بشپړ معنا کې ،له هرډول هغې ګناه  او غیراخلاقي چلند څخه ډډه کول دي چې د نورو د کړوَلو او یا د الهي قوانینو چخڼي کولو سبب کیږي .

 داسلام ګران پیغمبرحضرت محمد مصطفی (ص) فرمائي، شعان  هغه میاشت ده چې د انسانانو عملونه لوړیږی،په داسې حال کې چې خلک ورڅخه غفلت کوي .

په شعبان میاشت کې روژه ساتل ډیرغوره عمل دی .

 سره له دې چې  د روژې مبارکه میاشت ، د روژې ساتنې  دمیاشتې په توګه  پيژندل کیږي  او  د روژې مبارکې میاشتې په درستو ورځو کې پر  هغو مسلمانانو روژه ساتل، چې د لرلو قدرت ئې لري ، واجبه ده ، خو  په شعبان میاشت کې  پر روژې ساتنې ټينګار او سپارښتنه ئې  په څه دلیل ده.؟  . هماغه شان چې  پیغمبر اکرم  فرمائيلی دي ؛ شعبان د ما میاشت ده، هرچا په دغه میاشت کې یوه روژه  وساتله ، پر هغه بهشت  او جنت واجبیږي . د خپل پیغمبر  سره د مینې او دوستۍ لپاره  او  له پروردګار عالم سره د نزدیکیدا او تقرّب لپاره روژه وساتئ  او  په ځینو حدیثو کې  خو شعبان میاشت د  دمیاشتو سید او سرداره  تعبیر شوې ده .  

په روژې مبارکې میا شتې کې عموما مسلمانان د خپلي شرعي دندې په اساس،روژه ساتي ،خو له خداوندمتعال سره د معنوي ارتباط د پیاوړي کولو لپاره ، اړتیا ده څو یو لړ مقدمات کچ شي او لازم چمتووالی ولري او دا پيښه په هغو عملونو سره چې په شعبان میاشت کې ئې سپارښتنه شوې ، ممکن دي .

همدلته ده چې په زیاترو هغو روایتونو کې چې ددین له بزرګانو  نقل شوي دي،په دغې میاشتې کې د استعفار ډير ه سپارښتنه شوې ده.استغفار دوه اړخونه ،یعني زباني او حقیقي اړخونه لري ، چې په پيل کې  دخداوندمتعال په درګاه کې له ګناهانو او تیروتنو څخه د پښمانۍ اظهار کول دي ، خو  په حقیقي استغفار کې  هڅه کوو چې  ورانکارۍ ورغوو ، او که د نورو حق ته مو کوم تاوان رسولی وي ، نو هغه جبران کړو .خداوندمتعال دې پر مونږ ټولو  ددغو شپو ورځو معنوي او حقیقي اړخ لازیات روښانه کړي او مونږ ته دې دا طاقت راکړي ، چې په دغې میاشتې کې  دپروردګار په درګاه کې دخپلو ګناهانو لازیاته بخښنه وغواړو .