په کومو هیوادونو کې د یکشنبې ورځ د قربانۍ اختر ورځ اعلان شوې ده؟
ایکنانیوز د العین له قوله راپور راکوي، د سعودي عربستان سترې محکمې د غبرګولې په اتلسمه نیټه په جمعې ورځې د یوې اعلامیې په خپرولو سره سره تائيد کړې ده چې د فارس خلیج د څنډې په دغه عرب هیواد (عربستان ) کې د غبرګولې په ۲۶ خالي یا شنبې ورځ د عرفي ورځ او ورپسې سبا یعني د غبرګولې ۲۷ یکشنبې ورځ هم د ذلحجې لسمه یعني د قربانۍ د اختر ورځ وي.
د مصر دارالافتا هم پخپلې اعلامیې کې وئيلي دي چې د جمعې ورځې دعربستان د سترې محکمې د وروستۍ فیصلې په استناد سره به د ذی الحجې لسمه او د قربانۍ د لوي اختر ورځ هم د غبرګولې ۲۷ یکشنبې ورځ وي.
دغه راز داردن،تیونس،الجزایر ،لیبیا هم د غبرګولې ۲۷ نیټه د قربانۍ اختر ورځ اعلان کړې ده.
د عراق اهل سنت اوقافو دیوان همه د یوې اعلامیې په خپرولو سره د غبرګولې ۲۷نیټه د قربانۍ د اختر ورځ اعلان کړې ده.
دا په داسې حال کې دي چې د ستر دیني مرجع آیت الله العظمی سید علی سیستاني دفتر هم د یوې اعلامیې په صادرولو سره د قربانۍ د لوي اختر ورځ د غبرګولې ۲۸ دوشنبې ورځ اعلان کړې ده.
همداراز د ایران اسلامی جمهوریت ، انډونیشیا،ملایشیا،مراکش، موریتانیا،برونائي عمان ،هند او یو شمیر نورو هیوادونو هم د قربانۍ د لوي اختر ورځ د غبرګولې دمیاشتې ۲۸ دوشنبې ورځ اعلان کړې ده.
له دې سره په یووخت د بنګله دیش اوقافو او مذهبی چارو وزارت هم اعلان کړی چې د زیاتو دلیلونو او د ذی الحجې د میاشتې د جون د اتلسمې نیټې لومړۍ ورځ ته په پام سره د قربانۍ لوي اختر به د جون په اتلسمه ینټه سه شنبې ورځې وي.
پر دې اساس به اسلامی هیوادونه سږکال د قربانۍ لوي اختر په درو مختلفو ورځو کې لمانځي.
