انصارالله: د نیواکي ټاټوبو بن ګوریون هوايي ډګر به وتړو

ایکنا – د یمن د انصارالله ولسی غورځنګ  د رسنیو برخې مرستیال ټینګار وکړ چې د یمن وسله وال ځواکونه غواړي د بن ګوریون هوائي ډګر  وتړي او وې ویل: پرون پر دغه هوايي ډګر توغندوي برید د غزې پر وړاندې د نیواکګرو د تیریو  د زیاتیدو سره هم‌مهاله ترسره شو او زموږ عملیات به د غزې د جګړې تر پای پورې دوام وکړي.

  ایکنانیوز  د الجزیرې په حواله راپور راکړی، د یمن وسله وال  ځواک  د تل ابیب په بن ګوریون هوايي ډګر یو مهم توغندوي برید کړی چې  د فلسطین په ټوله ټاټوبي کې ئې صهیونیستان وارخطا کړل. د انصارالله د رسنیو برخې مرستیال نصرالدین عامر، ، وویل چې د یکشنبې په سهار د دغه برید موخه د دغه هوايي ډګر تړل او په دې ځای کې د تګ راتګ منع کول دي تر هغه مهاله چې د غزې بشپړه  کلابندي لیرې او د صهیونیستي نیواکګر و تیري د دې تړانګې پر وړاندې ودرول شي.

نصرالدین عامر الجزیرې ته وویل: دا عملیات د صهیونیستي  نیواکګر پوځ لخوا د غزې پر وړاندې د نسل وژنې جنایتونو د زیاتیدو او د ۲۰۲۳ کال د اکتوبر له پیل راهیسې د غزې په بشپړه محاصره کولو له امله د انساني وضعیت د خرابیدو سره هم‌مهاله ترسره شول.

هغه زیاته کړه: دا عملیات په داسې وخت کې ترسره شول چې امریکا په یمن باندې خپل تیري  زیاتوي او په ټول هېواد کې پر  عامو خلکو  بریدونه کوي.

هغه وویل: له یوې میاشتې زیاته موده کیږي چې امریکایان پر یمن دوامداره بریدونه کوي، خو د خدای په مرسته ئې زمونږ نظامي وړتیاوې نه دي زیانمنې کړې. د میدان واقعیت د هر څه شاهد دی او د امریکایانو هیڅ یو تیري زموږ پر پوځي  ځواک اغیز نه دی کړی.

https://iqna.ir/fa/news/4280363/