کربلا؛ د «نداء الاقصی» د پنځم نړیوال کنفرانس کوربه

ایکنا- د کربلا سپېڅلی ښار پرون د «نداء الاقصی» نومې  پنځم نړیوال کنفرانس کوربه ؤ. په دغه کنفرانس کې د بېلابېلو هېوادونو پلاوي او شخصیتونه ګډون وکړ،او  د فلسطین د آرمان د ملاتړ لپاره د رسنیو او روایت رول ئې وڅېړ  او د ناسمو معلوماتو پر وړاندې ئې د مبارزې او عامه پوهاوي د رامنځته کولو لپاره د حسیني انقلاب له اصولو پر الهام  اخستو  وشو .

د ایکنا د راپور له مخې، چې د العهد له خبري سرچینې ئې نقل کړی راغلي دي، دا کنفرانس پرون د شنبې په ورځ، د زمري په ۳مه، د لومړۍ رسمي غونډې په ترسره کېدو سره پیل شو او تر ناوخته پورې ئې دوام درلود. په دې غونډې کې  د کنفرانس تنظیموونکي او ګډونوال پلاوي ویناوې وکړي.

له هغې وروسته   د «لومړني روایتونه؛ د پېښې له زړه څخه رښتینې کیسه» تر سرلیک لاندې یوه غونډه جوړه شوه، چې پکې د شهیدانو یو شمېر خپلوان، ازاد شوي فلسطیني بندیان، ټپیان او له فلسطین څخه ورغلي  خبریالان د جګړې د ډګرونو د پېښو په اړه خپلې مستندې شاهدۍ وړاندې کړي.

د کنفرانس د لومړۍ ورځې پروګرام د ګډونوالو د نجف اشرف په ښار کې د حضرت امام علي (ع) د سپېڅلي حرم په زیارت سره  پای ته ورسېد.

د کنفرانس په دویمه ورځ  نن هم ګډونوال د حضرت امام حسین (ع) د سپېڅلي حرم زیارت وکړ  او د حرم د شرعي متولي له لوري  ئې  رسمي هرکلی وویل شو .ټاکل شوې وه  له زیارت وروسته  د دینی عالمانو  دینی ویناوې ترسره کیږي،  د غرمې جماعت لمونځ   د امام حسین (ع) د سپېڅلي حرم په انګړ کې ادا شي او په پای کې به د نجف او کربلا ترمنځ د زائرینو پر لارې د «نداء الاقصی» موکب د پرانیستې په مراسمو کې ګډون وکړي.

  فلسطین ته د ستنېدو د نړیوال کمپاین منشي عبدالملک سکریه وویل، دا کنفرانس په داسې استثنايي شرایطو کې ترسره کېږي چې امریکا د سیمې پر وړاندې ګواښونه زیات کړي دي. هغه زیاته کړه، د دې کنفرانس موخه دا ده چې د مقاومت پر دوام ټینګار وشي او د حضرت امام حسین (ع) د مظلومیت او د هغو کړاوونو ترمنځ اړیکه روښانه شي چې مقاوم ملتونه، په ځانګړي ډول د غزې تړانګه، ورسره مخ دي.

https://iqna.ir/fa/news/4365986