الجزایر؛ د نبوي (ص ) سیرت د نړیوالې جایزې کوربه
ایکنا نیوز د عربي ۲۱ په حواله راپور راکوي، د الجزایر د دیني چارو او اوقافو وزارت د دغې جایزې هدف، چې «د الجزایر د نبوي سیرت جایزه» نومېږي، له نبوي سیرت څخه اخیستل شوي معنوي او انساني ارزښتونو پیاوړي کول او د نبوي سیرت په خدمت کې علمي څېړنې او فکري نوښت هڅول دي.
دغه وزارت ټینګار کړی چې دا جایزه د الجزایر د حکومت ژمنتیا ښئي چې د نبی اکرم (ص) د سیرت مقام لوړ کړي او د هغه علمي او فرهنګي نفوذ زیات کړي. په پایلې کې، دا د نبی اکرم (ص) لخوا تجسم شوي اخلاقي او انساني ارزښتونو پیاوړي کولو او د نسلونو ترمینځ د هغو د خپرولو او پراخولو لپاره مرسته کوي، څو دا د اوسمهاله ننګونو پر وړاندې د لارښوونې په توګه کار وکړي.
په ملي کچه د داسې نوښتونو شاملول د الجزایر د دولت په دین باندې د پیاوړي باور نښه ده، چې د ملي امنیت د پیاوړتیا لپاره یو بنسټیز اړم او آوزار دی. دا هدف د دیني هویت او ملي وحدت په پیاوړي کولو او د افراطي غورځنګونو پر وړاندې د نبوي سیرت څخه الهام اخیستونکي معتدلې وینا سره د مقابلې له لارې ترلاسه کېږي.
دا جایزه د الجزایر د جامع جومات له پرانیستې وروسته پیلېږي، چې په دغه هیواد او د اسلامي نړۍ په کچه یو له مهمو دیني او فرهنګي بنسټونو څخه دی.
https://iqna.ir/fa/news/4303577
