د پاریس لوي جومات؛ د نړۍد جوماتونو د معمارۍولولناک نندارتو ن کوربه

ایکنا - د پاریس لوي جومات عامو خلکو ته بلنه ورکړې ده چې؛په اسلام کې جوماتونه؛په عنوان سرهد ځانګړي هنری نندارتون چې د الجزایر د یوه هنرمند دلیل ساسی به وسیله  ترسره کیږي،کتنه او لیدنه وکړي.

یکنانیوز د الاخباریه له قوله راپور راکړی، د پاریس لوي جومات  ، د اکتوبر له پنځلسمې تر دیرشمې نیټې پورې   عمومی خلکو  ته بلنه ورکړې ده چې د ؛ په اسلام کې جوماتونه؛ په عنوان سره  د الجزایر د یوه هنر مند دلیل ساسی په وسیله ترسره کیږي، کتنه وکړي. دغه هنر مند فیصله کړې ده چې  په درستې  نړۍ کې د  جوماتونو  ډولوالی او  د  اسلامی معمارئ ولوله  د  خپلو نقاشیو  د آثارو په چوکاټ کې نړئ ته وښئ.

د یوه مینه ناک او د  جادوئي  قلم  خاوند او  خوندي کونکي  هنر مند په توګه دلیل ساسی ددغه نندارتون په جوړولو خوښي ښودلې  او روښآنه ئې کړې ده ، دغه پيښه اسلام ته یو خدمت دی  او  دهرې نقاشئ  د لرغونتوب او د هر هغه څه په باب  به چې د مسلمانانو لپاره  جومات  بریښوي ، توضیح ورکړي.

هغه زیاته کړه ،د جومات  زیږیدا له اسراء او د پیغمبر اکرم  له معراج سره  اړونده ده ،  هغه مهال  چې خداوندمتعال لمونځ واجب  کړ  او د ا یمان ترټولو لوی رکن ئې وګرځاوه، نو له هغه مهاله  جومات  د عبادت لپاره او داسلام د پیغام دخپرولو لپاره په یوه مرکز بدل شوی دی.

 هغه ووئيل، هغه لومړنی جومات چې  په مکې کې او بیا په مدینې کې جوړ شوی ، د معنوي او معمارۍ   تمدني پيل ؤ ، چې  څه دپاسه ۱۵پيړیو پورې هماغه راز دوام لري  او جوماتونه  په داسې مشالونو بدل شوي دی چې مسلمانان  ئې په پنځو واړو پراعظمونو کې  سره غونډ کړي دي.

د ساسی  په وینا، دغه نندارتون   هغه معماری او معنوی تاریخ رابرسیره کوي چې تیر وخت  له اوسني وخت سره ګنډي  او په فلسطین کې دالاقصی جومات، د الجزایر جامع جومات،په الجزایر کې  د کچاوا لرغونی جومات او په استانبول کې  آبی جومات  په څير دلویو جوماتونو د معمارۍ ولوله  رابرسیره کوي. دغه معماري شاهکارونه  له وخت او ځای څخه ورهاخوا  د معنوي او جوړښتي ښکلا د ارزښت په دلیل  د نړیوال میراث  دیوې برخې په توګه  طبقه بندي شوي دي.

دغه الجزایري هنرمند  ټينګار کوي چې د هغه هنری او کلتوری دنده ایجابوي چې دغه کلتوری خزانه  نړیوالو  نندارې ته وړاندې کړي. 

په دغه نندارتون کې  ۳۱ آثار   شامل دي  او د ملایشیا،قطر، الجزایر  او فرانسې په څير د هیوادونو   مشهور  جوماتونو انځورونه نندارې ته وړاندې کوي.

 دغه نندارتون  د مختلفو هیوادونو  ترمینځد  کلتوری مبادلې او داسلامی میراث د پیژندګلوۍ لپاره  یو ځانګړی فرصت  برابر کړی دی  او لیدونکي په اسلامی نړۍ کې د جوماتونو  له تاریخ اوهنر سره آشنا کوي.    

https://iqna.ir/fa/news/4311745