صیہونی درندوں کی ایک بار پھر غزہ پر بمباری سے 18 فلسطینی شہید، 120 سے زائد زخمی
ایکنا - ایکسپریس نیوز- غیر ملکی خبر رساں ادار ےکے مطابق اسرائیل نے غزہ سٹی میں گھروں پر بمباری کی جس کے نتیجے میں ایک بچے اور خاتون سمیت 18 افراد شہید جب کہ متعدد زخمی ہو گئے۔ امدادی ٹیموں کے اہلکاروں نے زخمی ہونے والوں کو فوری طور پر قریبی اسپتالوں میں منتقل کیا جہاں انھیں طبی امداد دی جا رہی ہے۔ غیر ملکی ذرائع ابلاغ کےمطابق شہید ہونے والوں میں حماس کے ملٹری چیف محمد دیف کی اہلیہ اور 7 سال کا بچہ بھی شامل ہے۔ جبکہ محمد دیف گزشتہ روز اس وقت شہید اسرائیلی حملے میں شہید ہوگئے تھے جب اسرائیلی طیاروں نے چھ منزلہ عمارت کو ملیہ میٹ کردیا تھا۔ آج علی الصبح اسرائیلی بمبار طیاروں نے غزہ کے شمالی علاقے زیتون کے کو نشانہ بنایا جس میں حاملہ خاتون سمیت 5 افراد ہلاک ہوگئے ۔ اسکے علاوہ دیگر علاقوں پر اسرائیلی وحشیانہ بمباری میں 13 افراد شہید ہوگئے۔
واضح رہے کہ اسرائیل کی جانب سے 8 جولائی سے غزہ میں شروع کی جانے والی جارحیت میں اب تک 2050 کے قریب فلسطینی شہید جب کہ 10 ہزار سے زائد زخمی ہو چکے ہیں۔ دوسری جانب حماس کی جوابی کارروائی میں اب تک سترسے زائد اسرائیلی فوجی بھی ہلاک ہو چکے ہیں ۔
