گجرات میں ہندو مسلم فساد پر گرفتاریاں، 200 سے زائد زیر حراست
بین الاقوامی گروپ:بھارت میں وزیر اعظم نریندر مودی کی آبائی ریاست گجرات میں ہندو مسلم فسادات کے بعد پولیس نے 200 سے زائد افراد کو گرفتار کرلیا۔
ایکنا نیوز-ریاست گجرات کے شہر ودوڑا میں سوشل میڈیا پر متنازع تصویر لگانے سے مسلمان شدید مشتعل ہو گئے اور اس کے باعث حکام کو موبائل انٹرنیٹ اور ٹیکسٹ میسجز کی سروس بند کرنا پڑی۔
ڈیلی ایکسپریس اخبار کے مطابق گزشتہ جمعرات سے جاری اس جھگڑے میں دونوں مذہبی برادری کے لوگوں نے ایک دوسرے پر پتھراؤ کرنے کے ساتھ ساتھ کئی گاڑیوں کو بھی نذرا ٓتش کردیا۔
ودوڑا پولیس کے ایڈیشنل کمشنر ڈی جے پٹیل نے کہا کہ گزشتہ 3 دنوں میں ہم دونوں فریقین کے 200 سے زائد افراد کو گرفتار کر چکے ہیں جب کہ واٹس ایپ پر متنازع پیغام بھیجنے والے ٹیچر کو بھی گرفتار کر لیا گیا تاہم انہوں نے میسج اور تصویر کی تفصیلات بتانے سے انکار کردیا۔
نظرات بینندگان
