شدت پسند تنظیم داعش پر ایک پراسرار آفت نازل،، جنگجو دھڑا دھڑ موت کے منہ میں
ایکنا نیوز- شفقنا- شدت پسند تنظیم داعش پر ایک پراسرار آفت نازل ہو گئی ہے جو اس کے جنگجوﺅں کو دھڑا دھڑ موت کے منہ میں کھینچ رہی ہے۔
ڈیلی پاکستان کے مطابق برطانوی اخبار ”دی سن“ کا کہنا ہے کہ آلودگی اور جراثیم سے بھرپور ماحول میں جنم لینے والے وائرس Leishmaniasis نے داعش پر حملہ کر دیا ہے اور بے شمار جنگجو اس کا شکار بن چکے ہیں۔ وائرس کا شکار بننے والے شخص کے جسم پر بڑے بڑے زخم بن جاتے ہیں اور آہستہ آہستہ گوشت تحلیل ہونے لگتا ہے۔ داعش کے جنگجو علاج سے کترا رہے ہیں جس کی وجہ سے وائرس تیزی کے ساتھ پھیل رہا ہے۔
داعش کے مرکز رقہ میں وائرس کا سب سے زیادہ خطرہ پایا گیا ہے۔ مقامی ڈاکٹر اس وائرس کے علاج کا بہت کم تجربہ رکھتے ہیں جو اس کے پھیلنے کی ایک اور وجہ ہے۔ داعش کے جنگجوﺅں میں جلد کا السر، شدید بخار، خون کے سرخ خلیوں کی بیماریاں اور جگر کی بیماریاں تیزی سے پھیل رہی ہیں اور ہر طرف افراتفری کا سماں ہے۔
