داعش خلیفہ، ابو بکر بغدادی کی کلینکل موت
ایکنا نیوز- ایران ریڈیو- عراقی انٹیلیجنس نے داعش کے نام نہاد خلیفہ ابو بکر بغدادی کی ہلاکت کی خبر دی ہے۔ عراقی انٹیلیجنس کے ایک موثق ذریعے نے بتایا کہ البغدادی کو مقبوضہ جولان کے ایک اسرائیلی اسپتال میں منتقل کردیا گیا ہے تاہم اسے موت کے منہ سے بچانے کی تمام کوششیں ناکام ثابت ہوئی ہیں- بتایا جاتا ہے کہ ابو بکر البغدادی کو اس کی سیکورٹی کی بنا پر ترکی یا کسی دوسرے عرب ملک کی بجائے اسرائیل کے زیر قبضہ علاقے کے ایک ہسپتال لے جایا گیا ہے- مغربی میڈیا اور خصوصا امریکی حکام نے داعش کے سرغنہ کی موت کی ابھی تک تصدیق نہیں کی ہے- ابوبکر البغدادی کے جانشین کے تعین کی خبروں کے سامنے آنے پر امریکی زرایع نے ابوبکر البغدادی کے زخمی ہونے کی خبر کی تصدیق کی تھی-
کہا جاتا ہے کہ شامی داعش بغدادی کے جانشین کو قبول کرنے سے انکاری ہیں اور اس حوالے سے ان میں اختلافات کا امکان ہے۔
