اسلامی تاریخ میں پہلی بار پتھر پر لکھا قرآن پاک کا نسخہ تیار۔
بین الاقوامی گروپ: درختوں کی چھال، ہڈیوں اور پتوں کے بعد اب پتھر پر قرآنی نسخہ تیار کیا گیا ہے جو بہت سی خصوصیات کا حامل ہے۔ نسخہ مکمل طور پر واٹر پروف ہونے کے ساتھ ساتھ دیگر اور خصوصیات بھی رکھتا ہے۔
ایکنانیوز- القمر کے مطابق اسلامی تاریخ میں پہلی مرتبہ پتھر پر لکھا گیا قرآنی نسخہ متعارف کرایا گیا ہے جو بہت سی اہم خصوصیات کا حامل ہے، اس نسخے کو دبئی میں منعقدہ ہائپر ورلڈ نمائش میں پیش کیا گیا جہاں اسے دیکھنے والوں نے بے حد پسند کیا۔
رپورٹ کے مطابق اس نسخے کو جدید سائنسی طریقہ کار کی مدد سے پتھر پر تیار کیا گیا ہے جس کی بہت سی خصوصیات ہیں جن میں اس کا آگ میں نہ جلنا ، پانی اور ہر قسم کے مائع مثلاً بیکٹریا اور چکنائی کے اثرات سے محفوظ رہنا ہے جب کہ قرآن کے اوراق کو کاغذ کے اوراق کی طرح باآسانی پلٹا بھی جاسکتا ہے ۔
قرآن کریم کی 1400 سالہ تاریخ کے اس نادر نمونے کی تیاری میں کاربن ڈائی آکسائیڈ کی نصف مقدار اور کیلشیم کاربونیٹ کی 80 فیصد مقدار شامل ہے، یہ مکمل طور پر واٹر پروف ہونے کے ساتھ ساتھ دیگر اور خصوصیات بھی رکھتا ہے۔
واضح رہے کہ اس سے پہلے بھی ماہرین نے جدید ٹیکنالوجی کی مدد سے مختلف دینی کتب، بیگ اور کاغذی مصنوعات تیار کی ہیں۔
نظرات بینندگان
