ایران کے اسلامی انقلاب کی سالگرہ، کوئٹہ میں جشن پروگرام کا اہتمام
ایکنا نیوز- ایران کے اسلامی انقلاب کی انتالیسویں سالگرہ کی تقریبات، اسلامی مجہوریہ ایران کے ساتھ ساتھ دنیا کے مختلف ملکوں میں بھی منعقد کی جارہی ہیں۔
اسی مناسبت سے ایران کی حکومت اور قوم کو دنیا کے مختلف ملکوں کے اعلی حکام اور ان ملکوں کی اقوام کی جانب سے نہ صرف یہ کہ مبارکباد کے پیغامات پیش کئے جارہے ہیں بلکہ مختلف ملکوں میں اس سالگرہ کی مناسبت سے تقریبات کا انعقاد بھی کیا جارہا ہے۔
ایران کے اسلامی انقلاب کی سالگرہ کی تقریبات پاکستان کے مختلف علاقوں میں منعقد ہورہی ہیں اور اور اسی حوالے سے کویٹہ میں جشن اور تقریب مسجد و امام بارگاہ گلگتی میں پیر بارہ فروری کو شام بعد از نماز مغربین منعقد ہوگی جس میں امام جمعہ حجت الاسلام غلام حسنین وجدانی انقلاب کے بعد کے برسوں میں مختلف شعبوں میں انقلاب اسلامی کے اہم ثمرات اور کردار پر خطاب کریں گے۔
اس تقریب اور محفل جشن میں طلبا بانی انقلاب حضرت امام خمینی(رہ) کو خراج عقیدت پیش اور انکے افکار پر تقاریر بھی کریں گے جبکہ مختلف علمی اور ثقافتی مقابلوں کے بعد کامیاب طلبا میں انعامات بھی تقسیم ہوں گے۔
