فرانسیسی جریدے چارلی ہیبڈو میں خاتم النبیّن حضرت محمد مصطفی ؐ کے گستاخانہ خاکو ں کی دوبارہ اشاعت اورسوئیڈن میں قرآن مجید کو نذر آتش کیے جانے کے دلخراش سانحات کے خلاف تمام عاشقان محمد ؐو آل محمدؑ 4ستمبر2020بروز جمعہ ملک بھرمیں پرامن یوم احتجاج منائیں۔
مجلس وحدت مسلمین کے قائد وحدت علامہ راجہ ناصرعباس نے تمام پاکستانیوں سے درخواست کی ہے کہ وہ جمعہ کو دفاع قرآن و دفاع ناموس رسالت کے حوالے سے احتجاج ریکارڑ کرائیں۔
قابل ذکر ہے کہ سوئیڈن کے شہر مالمو میں قرآن سوزی کی ویڈیو وائرل ہوئی ہے جس پر عالم اسلام سراپا احتجاج ہے اور گذشتہ دنوں جماعت اسلامی پاکستان نے بھی اس کی شدید مذمت کرتے ہوئے احتجاج کا مطالبہ کیا تھا۔