شرعی استہلال اور اوقات نماز و روزہ کے لئے جامع اقدام

مجمع محققین ہند نے فقہی اور نجومی بنیادوں پر قم کے ادارہ فلکی و نجومی تحقیقاتی ادارے کے تعاون سے ماہرین کی تربیت کے لئے ایک جامع اقدام کیاہے جس کے ذریعہ آئندہ فہقی و نجومی ماہرین کی ٹیم بنائی جاسکے گی اور شرعی رویت نیز اوقات نماز و روزے کو واضح طور سے پیش کیا جاسکے گا۔

آنلائن ہونے والی تربیتی نشست میں قم میں موجود ہندوستانی محققین اور دانشور بھی شامل ہوں گے۔

اس سلسلہ کی پہلی نشست ماہ مبارک رمضان ۱۴۴۲ھ کے چاند دیکھنے کی صورت میں انجام پائی۔ قم سے ہندوستانی محققین کی ایک ٹیم کہک میں موجود امام علی رصدخانہ گئی اور نزدیک سے استہلال شرعی کے فقہی و نجومی مسائل کو مدنظر رکھتے ہوئے عملی طور پر یہ کام انجام دیا۔ 

آئندہ مہینوں میں ہندوستان کے مختلف علاقوں میں موجود محققین و ماہرین ایک اجتماعی ٹیم کے طور استہلال شرعی انجام دیں گے۔ چونکہ استہلال ہر مہینہ میں صرف ایک دو بار انجام دیا جاسکتا ہے لہذا تقریبا ایک سال کے عرصہ میں ماہرین کی یہ ٹیم فقہی و نجومی مہارت حاصل کرکے تیار ہوجائے گی۔ 

اسی طرح یہ ٹیم نماز اور روزے کے افطار و سحر کے نظام الاوقات پر بھی کام کرے گی۔