'فلسطین اور کشمیر قراردادوں سے آزاد نہیں ہوں گے'

کراچی میں جماعت اسلامی کا فلسطین مارچ، ہزاروں افراد کی شرکت/ فلسطین اور کشمیر صرف جہاد سے آزاد ہوگا۔

ایکنا نیوز کی رپورٹ کے مطابق جماعیت اسلامی کے ملین مارچ میں بڑی تعداد میں پاکستانی ششریک ،شاہراہ فیصل پر جماعت اسلامی کے فلسطین مارچ میں عوام کی بڑی تعداد نے شرکت کی جبکہ مارچ میں خواتین اور بچے بھی شریک تھے۔

مارچ سے خطاب میں امیر جماعت اسلامی سراج الحق نے کہا کہ مسجد اقصیٰ میں یہودی فوجیوں نے ہمارے بھائیوں پر تشدد کیا، 300 لوگ شہید ہوگئے اورہزاروں زخمی ہوگئے۔

انہوں نے کہا کہ عالمی اور اسلامی  ادارے صرف قرارداد پیش کرتے ہیں، قرارداد سے فلسطین یا کشمیر آزاد نہیں ہوگا، مذمتی بیانات اور قراردادیں ناقابل قبول ہیں  کشمیر اور فلسطین صرف جہاد فی سبیل اللہ سے آذاد ہوگا اور اس کے لیے اسلامی فورس تشکیل دی جائے۔ انہوں نے  شاہ محمود قریشی سے درخواست کی ہے کہ او آئی سی کا اجلاس بلایا جائے۔

ریلی سے حماس کے سربراہ اسماعیل ہنیہ نے بھی ویڈیو لنک کے ذریعے خطاب کیا۔  انہوں نے اہلیان کراچی اور جماعت اسلامی کو خراج تحسین پیش کرتے ہوئے کہا کہ امید ہے پاکستان حکومتی سطح پر مسئلہ فلسطین کے مؤقف کو آگے بڑھاتا رہے گا۔

مظاہرین نے امریکہ اور اسرائیل کے خلاف نعرے بازی کی اور اسرائیلی پرچم نذر آتش کیا۔/