انگلش پریمیئر لیگ: مسلم کھلاڑیوں کے افطار کیلئے میچ روک دیا گیا

ایکنا تھران: ایورٹن اور ٹوٹنہم کے درمیان کھیلا جانا والا میچ رواں سیزن کا پہلا پریمیئر لیگ میچ بن گیا ہے جسے مسلم کھلاڑیوں کے افطار کے لیے روک دیا گیا۔

ایکنا انٹرنیشنل ڈیسک کے مطابق پیر کے روز فٹبال ٹیم ایورٹن اور ٹوٹنہم کے درمیان میچ کھیلا گیا، اس دوران میچ کے 26 ویں منٹ میں کچھ دیر کے لیے وقفہ کردیا گیا تاکہ مسلمان کھلاڑی اپنا روزہ افطار کرسکیں۔

ایورٹن کے کھلاڑی آندرے اونا، عبدولے ڈوکورے اور ادریسہ نے میچ کے درمیان لیے جانے والے وقفے میں روزہ افطار کیا۔

دوسری جانب فرانس میں فٹبال فیڈریشن نے مسلم کھلاڑیوں سے ایک عجیب مطالبہ کیا تھا کہ وہ روزہ تاخیر میں ڈال دیں، اسی طرح فیڈریشن نے کہا ہے کہ افطار کے لیے کسی طور وقفہ نہیں کیا جائے گا۔

خیال رہےکہ  پریمیئر لیگ انتظامیہ کی جانب سے فیصلہ کیا گیا تھا کہ  شام میں ہونے والے میچز میں افطاری کے اوقات میں وقفہ کیا جائے گا تاکہ مسلمان کھلاڑی اپنا روزہ کھول سکیں۔