غیر معمولی گرمی نے متحدہ عرب امارات میں نماز جمعہ کے خطبوں کا وقت کم کردیا
ایکنا کے مطابق، روس الیوم کا حوالہ دیتے ہوئے، متحدہ عرب امارات کے اسلامی امور اور اوقاف کے جنرل ڈیپارٹمنٹ نے تمام مساجد کے مبلغین کو حکم دیا ہے کہ وہ نماز جمعہ کے خطبات کو اتنا مختصر کریں کہ نماز کے ساتھ خطبہ کا دورانیہ 10 منٹ سے زیادہ نہ ہو۔
متحدہ عرب امارات کے اسلامی امور اور اوقاف کے جنرل ڈیپارٹمنٹ نے اعلان کیا ہے کہ یہ قانون گرمیوں کے موسم کے اختتام اور اکتوبر کی پہلی تاریخ تک جاری رہے گا۔
اس ذریعہ نے واضح کیا: یہ فیصلہ شدید گرمی کی وجہ سے اور نمازیوں کی حفاظت اور ان کے لیے پریشانیوں اور مشکلات سے بچنے کے لیے کیا گیا ہے۔
متحدہ عرب امارات کے محکمہ اوقاف کے جنرل نے تاکید کی: یہ اقدام متحدہ عرب امارات کی حکومت اور صاحبان منصب کے نقطہ نظر کے مطابق اٹھایا گیا ہے جو قوانین مرتب کرکے لوگوں کی صحت کے تحفظ پر خصوصی توجہ دیتے ہیں۔
مغربی ایشیا میں گرمی کی بڑھتی ہوئی لہر کے آغاز کے بعد بعض عرب ممالک میں بجلی نظام میں خلل پڑا ہے اور ذمہ دار حکام کو بند کرنے پر مجبور ہونا پڑا ہے۔
الرائے عربی اخبار کے مطابق؛ کویت اور مصر میں بجلی کی بندش شروع ہو چکی ہے، اور ان ممالک میں بجلی کٹوتی کے نظام الاوقات شائع ہو چکے ہیں۔ ساتھ ہی متحدہ عرب امارات اور قطر جیسے ممالک میں حکومت بجلی کی کٹوتی کی خبریں شائع نہیں ہونے دیتی۔
