امریکی مسلمانوں نے نیواورلینز حملے کی مذمت کردی

ایکنا: امریکہ میں مسلم کیمونٹی نے نئے سال کے آغاز میں نیوااورلینز میں دہشت گردی کی مذمت کردی۔

ایکنا نیوز، اناطولیہ نیوز کے مطابق، امریکہ میں مسلمانوں نے نیو اورلینز، ریاست لویزیانا میں بدھ کے روز ہونے والے دہشت گرد حملے کی شدید مذمت کی اور اعلان کیا کہ یہ اقدام کسی بھی صورت میں اسلام کی تعلیمات کے مطابق نہیں ہے۔

مسجد فلاڈیلفیا کے سوشل کمیونیکیشن ڈائریکٹر، ٹون بار، نے کہا: "جب میں نے اس سانحے کی خبر سنی تو خوفزدہ ہوگیا۔ حملہ آور داعش کا حامی تھا اور ان کے انتہا پسندانہ نظریات سے متاثر تھا۔ یہ وہ نظریات ہیں جن کے خلاف پورے امریکہ کے مسلمان متحد ہیں۔

انہوں نے مزید کہا کہ مقامی مسلمان رہنما اس امید کا اظہار کرتے ہیں کہ مذاہب کو ایسے جرائم کے خلاف تقسیم کی بجائے متحد ہونا چاہیے۔ انہوں نے کہا، "چاہے ہم مسلمان ہوں یا مسیحی، ہمیں مل کر ان مسائل کا سامنا کرنا ہوگا۔"

جمیل عبداللہ، مسجد فلاڈیلفیا کے ایک امام، نے کہا: "ہم ہر قسم کی پرتشدد کارروائی کی مذمت کرتے ہیں جو انسانوں کو نقصان پہنچاتی ہے۔"

کینٹ نورالدین، اسی مسجد کے ایک اور امام، نے کہا: "ہم یہ نہیں مانتے کہ کسی شخص کا کوئی عمل کسی مذہبی عقیدے سے متاثر یا اس کی توثیق شدہ ہو۔"

امریکی اسلامی تعلقات کونسل (CAIR) نے بھی اپنے بیان میں حملہ آور کے انتہا پسند نظریات اور اس کے دہشت گردانہ عمل کی مذمت کی۔

یہ بات قابل ذکر ہے کہ حملے کا ذمہ دار 42 سالہ شمس الدین جبار تھا، جو ٹیکساس کا رہائشی تھا۔ اس نے نئے سال کی رات نیو اورلینز کے تفریحی علاقے میں لوگوں کو گاڑی سے کچل دیا اور بعد میں پولیس کے ساتھ مسلح جھڑپ میں مارا گیا۔ حملے کے وقت اس کے پاس داعش کا جھنڈا تھا۔

یہ واقعہ نیو اورلینز کے مشہور فرانسیسی علاقے کی بوربن اسٹریٹ پر نئے سال کی تقریبات کے دوران پیش آیا۔ سوشل میڈیا پروفائل کے مطابق، جو جبار سے منسوب ہے، وہ امریکی فوج کا ایک سابقہ رکن تھا۔

صدر جو بائیڈن نے کہا کہ حملہ آور داعش سے متاثر تھا۔ اس سانحے میں حملہ آور سمیت 15 افراد ہلاک اور 35 دیگر زخمی ہوئے۔/

4257898