مسجد جامع الجزایر؛ رمضان میں قرآنی پروگراموں کی میزبانی

ایکنا: مسجد جامع الجزایر متولی کے مطابق رمضان میں خصوصی کلاسز منعقد ہوں گی۔

ایکنا نیوز، awras.com  نیوز سے منقولہ خبر کے مطابق، مسجد جامع الجزائر کی تولیت نے ایک بیان میں اعلان کیا ہے کہ مسجد کے افتتاح کی پہلی سالگرہ کے موقع پر رمضان المبارک کے لیے قرآن حفظ اور تجوید کے حلقوں میں رجسٹریشن کا آغاز ہو چکا ہے۔

مسجد نے قرآن کریم کی حفظ و ترتیل کے پروگراموں میں دلچسپی رکھنے والے افراد سے درخواست کی ہے کہ وہ جمعہ کے علاوہ ہفتے کے دیگر دنوں میں متولیان، مساجد کے اماموں اور مبلغین سے رابطہ کرکے ان حلقوں میں رجسٹریشن کروائیں۔

ان قرآنی تعلیمی حلقوں میں ابتدائی رجسٹریشن کا آغاز ہفتہ، ۱۵ فروری ۲۰۲۵  سے ہو چکا ہے اور یہ ۲۸ فروری (۱۰ اسفند) تک جاری رہے گا۔ تمام عمر کے مرد حضرات نماز عصر کے بعد مصلائے مردانہ میں جبکہ خواتین نماز عصر کے بعد مصلائے خواتین میں ان قرآنی حلقوں میں شمولیت کے لیے رجسٹریشن کرا سکتی ہیں۔

قابل ذکر بات یہ ہے کہ مسجد جامع الجزائر میں ایک اعلیٰ درجے کی اسلامی علوم کی درسگاہ (دارالقرآن) موجود ہے جس کی گنجائش ۱۵۰۰ افراد پر مشتمل ہے، جہاں الجزائری اور غیر الجزائری قرآن سیکھنے والے اسلامی علوم کے کورسز میں داخلہ لینے کے بعد اس دارالقرآن کی کلاسوں میں شرکت کر سکتے ہیں۔

یہ مسجد ۱۳ فروری ۲۰۲۴ کو الجزائر کے صدر عبدالمجید تبون کی جانب سے علما اور عالم اسلام کے شیوخ کی موجودگی میں افتتاح کی گئی تھی۔

اس مسجد کے تولیت شیخ محمد المأمون القاسمی الحسنی نے مسجد کے پہلے یومِ تاسیس کے موقع پر کہا کہ یہ مسجد جدید دور میں اسلامی تعمیرات میں سے ایک عظیم شاہکار ہے، جو صرف پتھر اور اسلامی تزئینات کا مجموعہ نہیں بلکہ ایک ایسی سرزمین کی علامت ہے جو دین اور اپنی شناخت کے لیے کوشاں ہے۔

انہوں نے مزید کہا کہ یہ مسجد الجزائر کی آزادی اور استحکام کا ثمرہ ہے، جو قومی وحدت اور الجزائر کے عوام کی اسلامی جڑوں پر مبنی شناخت کو اجاگر کرتی ہے۔/

4266485