ملایشیاء میں قومی حفظ قرآن کونسل کا قیام
ایکنا نیوز- خبر رساں ایجنسی ملائیشیا کے حوالے سے بتایا گیا ہے کہ تعلیمی سیمینار "فرزندانِ وطن" 2026 کے شرکاء نے جمعہ کو قرآنِ کریم کے حفظ کے لیے قومی کونسل کے قیام کی تجویز پیش کی۔ اس تجویز کو منظوری اور جائزے کے لیے ملائیشیا کی کابینہ کے اجلاس میں پیش کیا جائے گا، جو بدھ کو منعقد ہونے والا ہے۔
ملائیشیا کے نائب وزیرِ اعظم اول احمد زاہد حمیدی نے اس حوالے سے کہا کہ یہ منصوبہ قومی تعلیمی نظام کے دائرے میں حفظِ قرآن کی تعلیم کو مضبوط بنانے، اور انسانی ترقی کو علم و اخلاق کے ساتھ ہم آہنگ کرنے کے لیے تیار کیا گیا ہے۔
انہوں نے کوالالمپور ورلڈ ٹریڈ سینٹر میں سیمینار کی افتتاحی تقریب سے خطاب کرتے ہوئے مزید کہا کہ ہمارا مقصد ایسے حفاظ کی تربیت ہے جن کا کردار صرف قرآن حفظ کرنا نہ ہو، بلکہ وہ معاشرے میں انجینئر، ڈاکٹر، ٹیکنالوجی کے ماہر، تاجر اور رہنما بھی بنیں۔
یہ سیمینار 5 ہزار سے زائد ماہرینِ تعلیم اور طلبہ کی شرکت سے منعقد ہوا، اور یہ ملائیشیا کی جماعت "آمانا" کے قیام کی 80ویں سالگرہ کے موقع پر بھی منعقد کیا گیا۔
احمد زاہد، جو اس جماعت کے سربراہ بھی ہیں، نے اس بات پر زور دیا کہ حفظِ قرآن کی تعلیم کو قومی ترجیح کے طور پر اختیار کیا جائے، اور یہ تعلیم صرف ابتدائی پروگراموں جیسے بچوں کے لیے حفظ کے ابتدائی مراکز، "اولو الالباب" پروگرام (MRSM) یا فنی و پیشہ ورانہ تربیت تک محدود نہ رہے۔
آخر میں انہوں نے سرکاری اور نجی تعلیمی اداروں کے درمیان ہم آہنگی کی اہمیت پر زور دیتے ہوئے کہا کہ حفظِ قرآن کی تعلیم کو ایک منظم نظام کے تحت اس انداز میں پیش کیا جائے کہ اس سے روزگار کے وسیع مواقع بھی پیدا ہوں۔/
4349968
