حضرت آیت‌الله خامنه‌ای کی تشیع بدھ کو نجف و کربلاء میں ہوگی

ایکنا: عراقی فوج کے مشترکہ اسٹاف کے ترجمان سعد معن نے اعلان کیا ہے کہ آیت اللہ سید علی خامنہ ای کے جسدِ مطہر کی تشییع آئندہ بدھ کے روز کوفہ سے نجف تک کی جائے گی، جس کے بعد کربلا میں روضۂ امام حسینؑ اور روضۂ حضرت ابوالفضل العباسؑ میں بھی تشییعی مراسم منعقد ہوں گے۔

ایکنا نیوز- عراقی ذرائع ابلاغ کے مطابق سعد معن نے کہا کہ شہیدِ امت آیت اللہ خامنہ ای کا جسدِ مطہر آئندہ ہفتے منگل کی شام نجف پہنچے گا، جہاں ایران اور عراق کے سرکاری حکام کی موجودگی میں سرکاری تشییعی تقریب منعقد کی جائے گی۔

انہوں نے مزید بتایا کہ بدھ کی صبح 6 بجے لاکھوں عراقی عوام کی شرکت سے کوفہ سے نجف تک تشییع جنازہ کا عظیم الشان جلوس نکالا جائے گا۔

سعد معن کے مطابق اس کے بعد عراق کے وقت کے مطابق شام 4 بجے کربلائے معلیٰ کے مختلف علاقوں میں تشییعی مراسم منعقد ہوں گے، جس کے بعد جسدِ مطہر کو روضۂ امام حسینؑ اور روضۂ حضرت ابوالفضل العباسؑ لے جایا جائے گا۔

انہوں نے یہ بھی کہا کہ مختلف ممالک کے وفود بھی اس تشییع میں شرکت کریں گے، جبکہ عراقی موکب داروں کی جانب سے زائرین اور شرکائے تشییع کی خدمت کے لیے ضروری انتظامات اور ہم آہنگی مکمل کر لی گئی ہے۔/

4361740