Fars Körfəzi ölkələrinin əlilləri arasında Quran yarışları keçiriləcək
İQNA-nın (Beynəlxalq Quran Xəbər Agentliyi) verdiyi xəbərə görə, Fars Körfəzi ölkələrində yaşayan əlillər arasında Qurani-Kərimin hifzi yarışları cari ilin (2018) Dekabr ayında Səudiyyə Ərəbistanın paytaxtı Riyazda keçiriləcək.
Səudiyyə Ərəbistanın “Sultan bin Salman mükafatı” adlanan Qurani-Kərimin hifzi yarışlarında Fars Körfəzi ölkələrində yaşayan əlil və fiziki sağlamlığında qüsur olan uşaqlar iştirak edəcəklər.
Ərəbistanın “əlil uşaqlara dəstək birliyi”nin baş katibi Əvəz ibn Adbullah Ğamidi bildirib ki, bu yarışlar cari ilin Dekabr ayının 2-dən 4-dək Riyazın “Məlik Fəhəd” adına mədəniyyət mərkəzinin binasında keçiriləcəkdir. Yarışların keçirilməsi komitəsi iştirakçıları qarşılamaq üçün lazım olan bütün tədbirləri həyata keçirmişdir. Yarışda iştirak etmək istəyənlər Noyabr ayının 1-dək qeydiyyatdan keçməlidirlər.
Riyazın “əlil uşaqlara dəstək birliyi”nin baş katibi Əvəz ibn Adbullah Ğamidi ölkə daxilindəki və Fars Körfəzi ölkələrindəki Qurani-Kərimin təlimi mərkəzlərini bu yarışlarda iştirak etməyə dəvət edib.
