ABŞ-da universitetlərdə Fələstinə dəstək nümayişləri müdaxilələrə baxmayaraq davam edir
TRT News-un verdiyi məlumata görə, tələbələr universitet şəhərciklərində açıq ərazilərdə toplaşaraq düşərgələr qurarkən universitet və yerli hakimiyyətlər şəhərciyi bağlamaq, onları saxlamaq kimi hərəkətlərlə cavab verirlər.
Digər tərəfdən Qəzzaya dəstək nümayişlərinə qatılan universitet və tələbələrin sayı günü-gündən artır.
Vaşinqton Universitetində 80-dən çox adam saxlanılıb
CNN-in verdiyi məlumata görə, Missuri ştatının St. Sent-Luisdəki Vaşinqton Universiteti şəhərcikdə Fələstinə dəstək üçün davam edən nümayişlərlə bağlı açıqlama verib.
Polisin 80-dən çox adamı saxladığı ifadəsində, şəhərcikdə düşərgə salan tələbələrin "yaxşı niyyətlərinin olmadığı və təhlükəli ola biləcəyi" bildirilib.
Cənubi Kaliforniya Universitetindən şəhərciyin bağlanması qərarı
Cənubi Kaliforniya Universitetinin (USC) sosial media platforması X hesabında edilən yazıda, universitet şəhərciyinin "xaos səbəbiylə" orada yaşayanlar istisna olmaqla, hamıya müvəqqəti olaraq bağlandığı açıqlandı.
Fələstinə dəstək nümayişlərində indiyə qədər təxminən 100 adamın nəzarətə alındığı USC-dən keçən həftə edilən şərhdə, may ayında əsas məzuniyyət mərasiminin keçirilməyəcəyi ifadə edildi.
Arizona Dövlət Universitetində 72 nəfər saxlanılıb
Arizona Dövlət Universiteti şəhərciyində Fələstinə dəstək üçün davam edən nümayişlər zamanı saxlanılanlarla bağlı açıqlama verib.
Müvafiq olaraq, 15-i tələbə olmaqla 72 nəfər “icazəsiz düşərgə saldıqları” əsası ilə saxlanılıb.
Harvard Universiteti
Universitetin tələbələrinin nəşr etdiyi “The Harvard Crimson” qəzetinin verdiyi xəbərə görə, Harvard Courtyard-da düşərgə salan tələbələrin Fələstinə dəstək nümayişi davam edir.
Tələbələr həyətdə Fələstin bayrağını qaldırdıqdan sonra polis bayrağın götürülməsini tələb edib.
Universitet əməkdaşları bayrağı endirərkən, nümayişçilər Fələstinə dəstək şüarları səsləndiriblər.
