İrlandiya Baş naziri: İsrailin cinayətlərinə qarşı səssiz qalmaq olmaz

İQNA - İrlandiya Baş naziri Harris, dünya ölkələrinin Qəzzədə İsrailin cinayətlərinə kifayət qədər diqqət yetirməməsi və atəşkəsin zəruriliyi mövzusunda hərəkətə keçməməsi səbəbilə tənqidlər irəli sürdü.

İngiltərənin PA Media agentliyinin xəbərinə görə, İrlandiya Baş naziri Simon Harris, dünən, çərşənbə axşamı günü Dublində etdiyi açıqlamada, dünyanın Qəzzədə atəşkəsin təmin olunması üçün kifayət qədər addım atmadığını bildirdi.

Harris, Avropa İttifaqı ilə İsrail arasındakı əməkdaşlıq müqaviləsinin dərhal yenidən nəzərdən keçirilməsinə çağırış etdi və bu ticarət müqaviləsinin insan hüquqları maddələrinin pozulduğunu vurğuladı.

Harris, dünyanın bu münaqişəyə qara bir ləkə kimi baxacağını xəbərdar etdi.

İrlandiya Baş naziri, hər gün İrlandiya hökumətinin bu məsələdə daha çox nə edə biləcəyi ilə bağlı özünə sual verdiyini bildirərək, Orta Şərqdə baş verən səhnələri fəlakət, dəhşətli və demək olar ki, təsəvvür olunmaz adlandırdı.

Harris, bu vəziyyəti "uşaqlara qarşı müharibə" kimi adlandırdığını və həqiqətən də belə olduğuna inandığını ifadə edərək, İsrailin etdiklərinin tamamilə qeyri-mütənasib olduğunu vurğuladı.