Böyük bir yanğının qarşısını almaq üçün sionistlər kömək istəyib
“İQNA”, “Ərəbi 21” saytına istinadən xəbər verir ki, “Yedioth Ahronoth” qəzeti işğal altındakı Qüdsdən Təl-Əvivə qədər olan yanğınlar səbəbilə rejimin yanğınsöndürmə idarəsinin həyəcan səviyyəsini ən yüksək dərəcəyə qaldırdığını yazıb.
İsrail Radio və Televiziya Təşkilatı da rejimin Kipr, Yunanıstan, Xorvatiya və İtaliyadan yanğınsöndürmə təyyarələri istədiyini bildirib.
İsrail Yanğınsöndürmə İdarəsi fövqəladə vəziyyət elan edib və işğal altındakı Qüds boyu bütün yanğınsöndürmə qruplarına xəbərdarlıq əmri verib.
Əl-Qüds yüksəkliyində genişmiqyaslı yanğınlar başlayıb və məlumatlara görə, Mərkəzi küçə 1-də bir neçə avtomobil yanıb və sürücülərin qaçdığı bildirilir. Məlumata görə, yanğınlar sürətlə yaşayış məntəqələrinə və magistral yollara doğru yayılır.
Bu gün günorta saatlarından etibarən İsrail yanğınsöndürmə qrupları Qüds dağları bölgəsində, xüsusilə də "Sülh Oazisi" şəhərciyi ətrafında altı fərqli yerdə geniş yayılmış yanğınlarla mübarizə aparır.
Yanğının söndürülməsində 67 yanğınsöndürmə qrupu, 11 təyyarə, dörd helikopter və ağır yanğınsöndürən maşınlar iştirak edir. Əsas küçələr, o cümlədən, 3-cü və 242-ci küçələr bağlanıb.
İsrail hakimiyyəti sakinləri təhlükəsizlik qüvvələrinin əmrlərinə əməl etməyə və təhlükəli ərazilərdən uzaq durmağa çağırıb.
“Yedioth Ahronoth” qəzeti Qüds yanğınları nəticəsində 12 nəfərin boğularaq öldüyünü yazıb.
İsrailin müdafiə naziri Yisrael Katz ordu baş qərargah rəisinə Qüds dağlarında yanğınların qarşısının alınmasında yanğınsöndürmə qruplarına köməklik göstərməyi əmr edib.
O deyib: “Biz fövqəladə vəziyyətdəyik və yanğınların qarşısını almaq üçün bütün mümkün səylər göstərilməlidir”.
Sionist mediası yanğının işğal altındakı Qüdsdə yeni bölgələrə yayıldığını və İsrail ordusunun şəhər yaxınlığındakı zirehli maşınlar muzeyinə, eləcə də İsrail hərbi bazasına yayıldığını bildirərkən sionist yaşayış məntəqələrinin boşaldılması davam edir.
İsrail mediası yanğının genişlənməsini göstərən video yayımlayıb və yanğının işğal altındakı Qüds yaxınlığında yerləşən Latrundakı İsrail zirehli maşın muzeyinə keçdiyini bildirib. Bəzi KİV-lər yanğının işğal altındakı Fələstinin şimalındakı Afula şəhərinə də keçdiyini bildirib.
Bu media qurumları həmçinin İsrailin baş naziri Benyamin Netanyahunun təcili təhlükəsizlik məsləhətləşmələrinə istinad edərək, Müstəqillik Günü mərasimlərinin (sionist rejimin yaranmasının ildönümü) ləğv edildiyini elan ediblər.
İsrailin "Kanal 12" telekanalı həmçinin İtaliya və Yunanıstanın yanğının qarşısını almaq üçün rejimin yardım istəyinə müsbət cavab verən ilk ölkələr arasında olduğunu bildirib.
İsrail telekanalı 13 də Qüdsdəki hazırkı yanğının 2021-ci ildə Carmel yanğınından daha böyük və daha geniş yayıldığını bildirdi.
4279544
