Gürcüstan müsəlmanları internet TV açdı
Tehran(IQNA)_Bütün Gürcüstan Müsəlmanları İdarəsinin (BGMİ) nəzdində yaradılmış internet televiziyası www.muslimmedia.ge saytı üzərindən fəaliyyətə başladı.
İslam.az-ın məlumatına görə, bu barədə BGMİ-nin sədri Ramin İgidov sosial şəbəkədəki səhifəsində bəyanat yayıb.
Layihənin rəhbəri Vidadi Qurbanovdur. Layihə rəhbəri bildirib ki, silsilə verilişlər dinə və cəmiyyətə xidmət məqsədi daşıyır.
TV rəhbərliyi ilkin çəkilişlər səbəbindən yaranacaq müəyyən texniki nasazlıqlara görə üzr istəyib, tamaşaçıların rəy və təklifləri ilə kanalı gün-gündən təkmilləşdirəcəklərini qeyd edib.
