Almaniyada 100 illik məscidin qalıqları tapılıb
Beynəlxalq şöbə: Almaniyanın paytaxtı Berlin şəhərinin 60 km-liyində yerləşən "Halbmondlager" düşərgəsində 100 illik məscidin qalıqları tapıldı. Məscid milad tarixi ilə 1916 – cı ildə inaş edilibmiş.
IQNA – nın (Beynəlxalq Quran Xəbər Agentliyi) "trt.net.fr" xəbər və informasiya portalına istinadən verdiyi xəbərə görə, Almaniyanın paytaxtı Berlin şəhərinin 60 km-liyində yerləşən Brandenbruq əyalətinin Vünsdorf şəhərinin "Halbmondlager" düşərgəsində aparılan arxeoloji qazıntılar zamanı I Dünya Müharibəsindən qalma 100 illik məscidin qalıqları tapıldı.
I Dünya Müharibəsi zamanı əsir alınan Afrika, Asiya, Hindistan, Mərakeş, Tunis və Əlcəzair kimi ölkələrdən təxminən 4 min müsəlman əsgər Vünsdorf şəhərindəki əsir düşərgəsində saxlanılmışdı.
Mütəxəssislərin iddialarına görə, Almaniyanın ən qədim məscidi olan bu məsciddən günümüzə çox az qalıqlar qalıb. Berlin Azad Universitetinin açıqlamasında buna səbəb olaraq məscidin yerləşdiyi sahənin əvvəl nasist rejimi dövründə, daha sonra isə Sovet ordusu tərəfindən hərbi məqsədlər üçün istifadə edildiyi göstərilib.
3357250
