22 yaşlı gənci hicabına görə dərsə buraxmadılar

Tehran, 21.09.2016 – İspaniyada 22 yaşlı gənc qız hicabına görə dərsə gedə bilməyib.

Beynəlxalq Quran Xəbər Agentliyi (İQNA) xəbər verir ki, müsəlman tələbə Jos Benlliure IES peşə məktəbində təhsil alır.

Təhsil müəssisəsinin administrasiyası bildirib ki, bütün abituriyentlərə dərs ilinin başlanmasından bəri məşğələlərdə hicablı iştirak etməsi qadağan edilib. Bu daxili nizam-intizam qaydalarına uyğun tətbiq edilib.

Hicablı tələbə isə bildirib ki, hicab onun bir hissəsidir, dini inancıdır. 22 yaşlı gənc bununla bağlı Racismo SOS irqçilik təşkilatına müraciət edəcəyini bildirib.

maide.az