IQNA

16:37 - December 14, 2017
Xəbər sayı: 3482507
Nigeriya xalqı dekabrın 12-si iki il əvvəl (12-14 dekabr 2015-ci il) Zariyada ordunun Əhli-Beyt (ə) ardıcıllarına qarşı törətdiyi qətliamı qınamaq üçün küçələrə çıxıb.
Zariya faciəsindən 2 il keçdiBeynəlxalq Quran Xəbər Agentliyi(IQNA) Deyerler.org-a istinadla xəbər verir ki, Nigeriya İslam Hərəkatının təşkilatıçılığı ilə paytaxt Abucada keçirilən yürüş mitinqinə vətəndaş cəmiyyəti təşkilatları, insan haqları fəalları, sadə vətəndaşlar qoşulublar.

Nümayişçilər əllərində Şeyx Zəkzəkinin şəkillərini daşıyaraq, Şeyx Zəkzəki və xanımı Zinət İbrahimlə yanaşı, qanunsuz yerə həbsdə saxlanılan yüzlərlə İMN fəalının da dərhal və qeyd-şərtsiz azadlığa buraxılmasını tələb ediblər. Yüzlərlə insanın həlak olduğu qətliamın üstündən 2 il keçməsinə baxmayaraq, bu cinayəti törədənləri hələ də azadlıqdadır. Bunun müqabilində Ali Məhkəmənin qərarı ilə 1 il əvvəl həbsdən azad edilməsi tələb olunan Şeyx Zəkzəki və xanımı hələ də qanunsuz olaraq həbsdə saxlanılır.

Xatırladaq ki, 12-14 dekabr 2015-ci il tarixləri arasında Nigeriya təhlükəsizlik qüvvələri kişi, qadın və uşaq olmaqla yüzlərlə nigeriyalı Əhli-Beyt (ə) ardıcılını öldürmüş və 200-dən çox müsəlmanı həbs etmişdi. Həlak olanların dəqiq sayı məlum deyil, ancaq rəsmi göstərici 347-dən daha çox ola biləcəyini göstərir. Yüzlərlə İMN tərəfdarının da qətliamlardan sonra itkin düşdüyü bildirilir.
Ad:
E-poçt:
* Comment:
* captcha: