Ərəbistanlı şiə ruhani müsəlmanları vəhdətə dəvət etdi
İQNA-nın (Beynəlxalq Quran Xəbər Agentliyi) verdiyi xəbərə görə, Səudiyyə Ərəbistanından olan məşhur şiə ruhani müsəlmanları birliyə, vəhdətə dəvətə edərək müsəlmanların bir-birinə simpatiya, şəfqət, sevgi, qayğı, diqqət və məhəbbət göstərməsinin zəruriliyini vurğuladı.
Sonuncu İlahi rəhbər, vədə verilmiş xilaskar, Həzrət Mehdi Sahib-Zamanın (ə.f) mübarək mövlud günündə çıxış edən ərəbistanlı şiə ruhani Şeyx Həsən Səffar dedi: Dini məsələlərin xırdalıqlarında cüzi ixtilaflar müsəlmanların birlik, vəhdət, həmkarlıqlarında və bir-birini sevməsində mane icad etməməlidir.
Həftənin ikinci günü, 1 May 2018-ci il, Səudiyyə Ərəbistanın Seyhat şəhərinin Nasir qəsəbəsinin "hüseyniyyə"sində çıxış edən ruhani əlavə etdi: Dini və fikri ixtilaflara baxmayaraq düşmənçiliyi kənara qoyaraq sülh içində yaşamaq və müştərək maraq və dəyərlər əsasında birləşmək bütün bəşəriyyətin xeyirinədir.
O vurğuladı: Müsəlmanlar ixtilaflı məsələlərin dalınca olmamalı və cüzi ixtilafları böyütməməlidirlər. İmam Mehdinin (ə.f) miladının keçirilməsi müsəlmanlar arasında sülh və dostluq yaratmalı və ixtilaf mövzusuna çevirilməməlidir.
Bu şiə ruhanisi əlavə etdi: Bütün müsəlmanlar, şiə və sünnilər, hamı inanır ki, Həzrət Peyğəmbər (s) Həzrət Mehdinin (ə.f) gəlişini bütün bəşəriyyətə müjdə vermişdir. Və buyurmuşdur ki, Mehdi (ə.f) Həzrət Fatiməyi- Zəhranın (s) övladlarındandır. Bu məsələ İslam dininin cahanşümul olacağını göstərir. Və müsəlmanların məsələnin bu cəhətini gücləndirməlidirlər.
Şeyx Səffar vurğuladı: Əhli-Sünnə alimlərindən 17 nəfəri İmam Mehdi (ə) barədə olan hədisləri rəvayət ediblər. Bu məsələdə xırda fərqli fikirlər müsəlmanların arasında həmkarlığa mane olmamalı və onların arasında parçalanma yaratmamalıdır.
