İQNA-nın (Beynəlxalq Quran Xəbər Agentliyi) verdiyi xəbərə görə, Misrin cari ildə keçiriləcək 26-cı Beynəlxalq Qurani-Kərim yarışları bu ölkənin məşhur tərtil tilavəti qarisi Şeyx Məhmud Xəlil Hüsərinin adına keçiriləcək.
Bu barədə Misrin Dini Fondlar (Vəqflər) İdarəsinin rəisi Məhəmməd Muxtar Cümə məlumat verib.
Misrin 26-cı Beynəlxalq Qurani-Kərim yarışları Mart ayının 23-də ölkənin Ciyzə əyalətinin "6 Oktyabr" şəhərinin "Dini mübəlliğlərin və camaat imamlarının yetişdirilməsi akademiyası"nda başlayacaq və 29-dək davam edəcəkdir.
Qeyd edək ki, Misrin dünya şöhrətli məşhur tərtil tilavəti qarisi Şeyx Məhmud Xəlil Hüsəri 1917-ci ilin Sentyabr ayının 17-də anan olub və 1980-cı il Noyabr ayının 27-dən vəfat etmişdir.
Hüsəri 1968-ci ildə İslam Dünyası Qarilər Birliyinin rəisi seçilmişdir.
O, bütün Qurani-Kərimi tərtil tilavəti ilə audiokasset üzərinə yazan ilk şəxsdir.