İQNA-nın (Beynəlxalq Quran Xəbər Agentiyi) “alderaah” saytına istinadən verdiyi xəbərə görə, yaxın bir həftə ərzində Ramazan ayı münasibətilə 300 məscid istifadəyə veriləcək. Bunu Misirin Vəqflər Naziri Məhəmməd Muxtar Cümə deyib.
Misirin “Harayah Raznah” bölgəsində “Əhməd Ərabi” məscidinin açılışında çıxış edən M.Muxtar Cümə bildirib ki, yeni tikilmiş 300 məscidin açılış mərasiminin bir həftə ərzində keçirilməsi bəlkədə Misir və dünya tarixində ilkdir və misli görünməmişdir.
Qeyd edək ki, ötən gün açılışı olan “Əhməd Ərabi” məscidi 1200 kvadrat metr ərazidə tikilib. Məscidin tikintisi üçün 15 milyon Misir funtu xərclənilib.