Ayətullah Sistaninin dəftəxanası Ramazan ayının hilalı barədə məlumat yayıb
"Vatanina" saytının verdiyi xəbərə görə, şiələrin böyük mərcəyi-təqlidi Həzrət Ayətullah Üzma Seyyid Əli Sistaninin dəftərxanası 1441-ci hicri-qəməri ilinin mübarək Ramazan ayının hilalının görünməsi barədə yaydığı məlumatda deyilir:
Cari həftənin Cümə günü, 24 Aperl 2020-ci il, 1441-ci Hicri-Qəməri ilinin mübarək Ramazan ayının təzə hilalı izlənəcək.
Elmi hesablamalara görə Cümə gününün qürub (günbatan) çağı mübarək Ramazan ayının hilalını adi gözlə aydın şəkildə görmək olacaq. Əgər bu baş verərsə, həftənin Şənbə günü, 25 Aprel 2020-ci il, Ramazan ayının birinci günü olacaqdır.
Qeyd edək ki, Şiələrin böyük mərcəyi-təqlidi Həzrət Ayətullah Üzma Seyyid Əli Sistaninin dəftərxanası 1441-ci il üçün şəri vaxtları ofisin rəsmi saytında (sistani.org) yerləşdirmişdir.
