IQNA-nın (Beynəlxalq Quran Xəbər Agentliyi) Eastnews.org-a istinadla verdiyi xəbərə görə, Əfqanıstandakı zorakılıq hadisələrinin dayandırılması üçün Qətərin paytaxtı Dohada 6 yanvarda başlayan və "Taliban" nümayəndə heyətinin 26 yanvarda region ölkələrini gəzməsi səbəbilə fasilə verilən əfqanlar arasında aparılan danışıqlar yenidən başlayıb.  

Bu barədə "Taliban" müzakirə komitəsinin sözçüsü Məhəmməd Nəim Vərdək mətbuata verdiyi açıqlamasında bildirib.  

Vərdək görüşlərin məzmununu təyin etmək üçün qrup şəklində fəaliyyətə başlayacaqlarını açıqlayıb.