"İmam Əli (ə) qədəmgahı məscidi"ndə orucluq abu-havası - Foto
İraqın Bəsrə əyalətinin əz-Zübeyr rayonunda yerləşən "Məscidul-Xütvə" (İmam Əli (ə) qədəmgahı məscidi) bu ölkənin tarixi məscidlərindən biridir.
Mübarək Ramazan ayı başlayanda həmin ətrafda yaşayan müsəlmanlar ibadət etmək üçün bu məscidə daha çox toplaşırlar.
Bu il də koronavirus pandemiyasının yaratdığı bütün məhdudiyyətlərə rəğmən Bəsrə müsəlmanları bu tarixi məsciddə Ramazan ayinlərini icra edirlər.
Qeyd edək ki, bu məscid Hicri-Qəməri tarixi ilə 14-cü ildə (7-ci miladi əsri) inşa edilmişdir.
Tarixi qaynaqlarda İmam Əli (ə) və İmam Həsənin (ə) Cəməl döyüşündən qayıdarkən bu məsciddə namaz qıldıqları deyilir.
Buna görə də məscid bu gün şiələrin sıx-sıx ziyarət etdikləri ibadət ocaqlarından biridir. Bəsrə əhalisi hər il ƏRBƏİN mərasimində bu məscidə piyada yürüş edirlər. / iqna
