Norveçdə də ekstremistlər tərəfindən Qurana hörmətsizlik edilib

OSLO (IQNA) - Norveçin paytaxtında bazar ertəsi günü səhər saatlarında anti-islam ekstremist qruplaşmasının üzvləri bu ölkənin polisinin dəstəyi ilə Qurani-Kərimi təhqir edib və Həzrət Peyğəmbərə (s) hörmətsizlik ediblər.

"İQNA", "Tacoim"-a istinadən xəbər verir ki, yerli medianın verdiyi məlumata əsasən, SIAN kimi tanınan Norveç ekstremist qrupunun üzvləri bazar ertəsi Osloda ölkə parlamenti qarşısında islami müqəddəslərə qarşı yeni hörmətsizliklər ediblər.

Polis tərəfindən qorunan bu tədbirin iştirakçıları Qurani-Kərimi və Həzrət Peyğəmbəri (s) təhqir ediblər. Bu qrup əvvəlki illərdə də oxşar təhqirlərə yol vermişdi.

 Bu yeni təhqir, digər iki Şimali Avropa ölkəsinin, İsveç və Danimarkanın son həftələrdə ekstremist elementlərin müsəlman müqəddəslərini təhqir etdiyi bir neçə hadisədən sonra diqqət mərkəzində olduğu bir vaxtda baş verir.

Müsəlman ölkələri bu hərəkətləri şiddətlə qınayıb və təxribat adlandırıblar. Həmçinin Avropa hökumətlərindən oxşar hadisələrin qarşısını almağı, İslama və onun ardıcıllarına qarşı nifrət dalğasını dayandırmağı istəyiblər.

4159434