Yaşla qurunu birlikdə yandıran od

TEHRAN (IQNA) – Küfr həqiqəti ört-basdır etmək və gizlətmək deməkdir. Bu da həqiqətləri görməzdən gəlməkdən əlavə, fərd və cəmiyyət üçün xoşagəlməz nəticələrə gətirib çıxarır.

Hər cür xəstəlik və hər cür maliyyə borcları ilə mübarizə bütün insanların həyatda qarşılaşdığı çətinliklərdən biridir. İnsanın qarşısına çıxan bu halların hər biri bəzən Allahın insanı sınamaq istəməsindəndir. Bəzən buna görədir ki, insanların keçmiş nemətlərə nankorluğu bu buna səbəb olur. Nemətin artmasında şükür etməyin təsiri olduğu kimi, küfr etməyin də nemətin əldən getməsində təsiri vardır.

Uca Allah Quranda bir ayə nazil etmişdir ki, onun vasitəsilə insan özünün zəifliyini dərk edir. Nəticə etibarı ilə daxili zəifliyi olan insan hər şeydən ehtiyacsız olan şəxsə qarşı küfr mövqeyində olmamalıdır; Allah buyurur: “     Allahı necə inkar edirsiniz ki, siz ölü idiniz, O sizi diriltdi. O sizi (əcəliniz gəldikcə) yenə öldürəcək, sonra (qiyamətdə) yenə də dirildəcək və daha sonra siz (əməllərinizin haqq-hesabı çəkilmək üçün) Ona tərəf (Onun hüzuruna) qaytarılacaqsınız” (Bəqərə, 28).

1. Küfr lüğətdə bir şeyi örtmək və gizlətmək mənasındadır. Əgər kafir kəlməsi bəzən əkinçiyə də şamil edilirsə, bu, bu şəxsin toxumu torpağa salması və onu torpaqla örtməsinə görədir. Buna görə də Allahın ona verdiyi nemətin dəyərini gizlətmək istəyən və ya bu neməti ona verən şəxsi gizlətməyə çalışan şəxsə kafir deyilir.
2. Quran hamımıza xatırladır ki, siz bundan əvvəl daş, çubuq və cansız məxluqlar kimi ölü idiniz və meh heç bədəninizə əsmirdi. Amma indi sən həyat və varlıq nemətinə sahibsən. Müxtəlif orqan və sistemlər, hiss və idrak sənə bəxş olunub. Bu məsələ o qədər əsrarəngiz olub ki, milyonlarla alimin düşüncələri və onların zəhməti onu dərk etməkdə aciz qalıb! Siz Allah tərəfindən gözəl nemətlərə sahib olmağınıza baxmayaraq necə Ona küfr edirsiniz?
3. Allahı tanımağın ən yaxşı yolu özünün və dünyanın yaradılışı haqqında düşünməkdir. Həyat fenomeni haqqında düşünmək, ölüm məsələsi üzərində düşünmək insana bunu başa salır ki, həyat insanın özündən olsa idi o, əbədi olmalı idi. Niyə əvvəl yox idi, sonra tapıldı, daha sonra da alınacaq?!

Nəhayət, Allah küfr içində yaşayıb küfr içində ölənləri Özünün, mələklərin və bütün insanların lənətinə düçar etmişdir: "Kafir olanlara və kafir olaraq ölənlərə Allahın, mələklərin və bütün insanların lənəti olsun!" (Bəqərə, 161).