Dünyanın ən kiçik Quran nüsxəsinin maraqlı hekayəsi
"İQNA", "Əl-Ərəbiyyə" saytına istinadən xəbər verir ki, Albaniyadakı Pruşi ailəsi qanlı vətəndaş müharibələrindən sağ çıxan bu kiçik Quran nüsxəsini nəsillər boyu saxlayıb.
Kiçik gümüş qutuda saxlanılan bu Quran, mütəxəssislərin fikrincə, dünyanın ən kiçik çap olunmuş Quranlarından biridir.
Mario Pruşi Albaniyanın paytaxtı Tiranada yaşadığını, nəşr tarixi göstərilməyən Qurani-Kərimin nazik kağızdan ibarət olduğunu, surələrin tam siyahısı ilə nömrələnmiş və bəzədilmiş səhifələrdən ibarət olduğunu və nəsildən-nəslə böyük fədakarlıqla bu Quran nüsxəsini qoruyub saxladıqlarını bildirdi.
O, həmçinin qutusuna qoyulmuş böyüdücü şüşədən başqa heç nə ilə oxuna bilməyəcəyini və Quran qutusunun yalnız iki santimetr enində və bir santimetr qalınlığında olduğunu ifadə etdi.
Tirandakı Bidar Universitetində Quran tədqiqatçısı Altun Kərəc bildirib ki, bu son dərəcə qiymətli 900 səhifəlik nüsxə ən azı 19-cu əsrdən bəri mövcuddur.
Bu Quran katolik Pruşi ailəsinin İslamı qəbul etməsində də təsirli olmuşdur.
Mario hekayəni belə izah edir: “Nənəm və babam Kosovonun Yakovitsa bölgəsində yeni ev tikmək üçün yer qazarkən orada dəfn edilmiş bir adamın cəsədini tapdılar, ürəyinin üstündə bu Quran var idi. Bu kiçik kitabda çoxlu hekayələr, xeyir-dualar və möcüzələr var. Mənim üçün çox dəyərlidir”.
Pruşilər ailəsi bunu ilahi əlamət kimi qəbul edərək İslamı qəbul etdilər. Ailənin babası ötən əsrin otuzuncu illərində Albaniya kralının ordusunda zabit olub və ərəb dilini mükəmməl bilirmiş. O, dostlarını Quran oxumaq üçün evinə dəvət etdi. O, bunu 41 il İslama kəskin şəkildə qarşı çıxan Ənvər Usradın diktatorluq və kommunist yönümlü olmasına baxmayaraq etdi.
Polisin evdə Quran olduğuna dair məlumat aldıqdan sonra evdə axtarış apardığını bildirən Pruşi atasının kiçik olduğu üçün onu gizlətdiyini bildirib.
Bu hadisədən sonra Pruşinin atası kiçik Quranı Kosovodakı dostuna bağışladı. O, bu kiçik nüsxəni sərhəddən keçirib. 2012-ci ildə Pruşinin atasının vəfatından sonra bu Quranı ona miras qoyub.
Ailə antikvar həvəskarlarından və hətta bəzi muzeylərdən bu Qurani-Kərimi satmaq üçün çoxlu təkliflər alıb. Pruşi bu Quranın onun ailəsinə aid olduğunu və onu satmağı planlaşdırmadığını bildirib.
4201403
