Yəməndə minlərlə insan Qəzzaya dəstək nümayişi keçirib
Sənada “Yəməndə Ramazan... Qəzzədə tufan qalib gəlir” şüarı ilə keçirilən nümayişdə minlərlə insan iştirak edib.
Fələstin və Yəmən bayraqları daşıyan nümayişçilər Qəzzada İsrailin soyqırımını pisləyən pankartlar açıblar.
Nümayişçilər “Ağıl və iman əhli... istibdad ittifaqına qarşı çıxacaq”, “Hegemonlara deyin... keçməyəcəksiniz, keçməyəcəksiniz” kimi şüarlar səsləndiriblər.
Husilərin nümayişlə bağlı verdiyi yazılı açıqlamada məzlum Fələstin xalqına dəstək üçün hər sahədə milyonluq nümayişlərin davam edəcəyi qeyd edilib.
Bəyanatda ABŞ və İsrail mallarının və onlara dəstək verən şirkətlərin boykot edilməsi çağırışı edilib.
Husilərin Əl-Məsirə Televiziyasının xəbərinə görə, oxşar nümayişlər Əl-Hüdeydə, Həccədə, Səda, Əl-Cəvf və Zəmmarda da keçirilib.
Oktyabrın 7-də İsrail Qəzzaya hücumlara başladığından bəri, demək olar ki, hər həftə Yəmənin müxtəlif şəhərlərində Fələstinə dəstək nümayişləri keçirilir.
