Radikal hindular müsəlmanların mülk kirayə etmələrinə mane olurlar
"İQNA", "Əl-Nəhar" saytına istinadən xəbər verir ki, Himaçal-Pradeş əyalətində bir hindu ekstremist qrupu müsəlman iş adamına məxsus tekstil mağazasına hücum edib.
Bu hadisə mağaza sahibinin “WhatsApp” hesabında Qurban bayramında qurban kəsərkən çəkilmiş şəklini paylaşmasından sonra baş verib.
Sosial şəbəkələrdə bu mağazada vandalizmlə bağlı videoçarxlar yayılıb. Polis isə hücum edənləri izləyib və onlara mane olmayıb.
Yüzlərlə ekstremist qrup toplaşaraq İslam əleyhinə şüarlar səsləndirib, paltar oğurlayıb, mağazanı qarət ediblər.
Hindu kimliyini müdafiə şüarı ilə qurulan Hindutva qrupları, 6 milyon üzvü olan ekstremist hindu könüllü milisləri dükan sahiblərinə mülklərini müsəlmanlara icarəyə verməmələri barədə xəbərdarlıq edib.
Onlar həmçinin mülk sahiblərindən müsəlmanlara kirayə verdikləri mülkləri dərhal boşaltmalarını istəyiblər.
Bu qruplar Qurban bayramında inək kəsilən görüntülərin onları incitdiyini bildirərək, mağaza sahibinə qarşı sərt tədbir görülməsini tələb edərək polisə şikayət ediblər.
Analitiklər bildirirlər ki, Hindistanın baş naziri Narendra Modinin hökumətinin ümumi siyasətləri səbəbindən son illərdə Hindistan müsəlmanlarına qarşı hücumlar artıb.
Amnesty İnternational həmçinin Hindistan hakimiyyətinin qanuni əsas olmadan müsəlmanların əmlakını özbaşına və cəzalandıraraq xarab etdiyini bildirib.
O, həmçinin əlavə edib ki, bu təşkilat lazımi hüquqi prosedurlara əməl edilmədən həyata keçirilən söküntülər nəticəsində bir çox müsəlmanın didərgin düşməsinə və ya dolanışıq imkanlarından məhrum olmasına səbəb olub.
Təşkilatın məlumatına görə, xalq arasında "buldozer ədaləti" kimi tanınan cəza söküntüləri Hindistanın hakim partiyasının siyasi liderləri və tərəfdarları tərəfindən müsbət qarşılanıb.
4222938
