Məscidül-Həramda 5 milyon zəvvarın dini suallarına cavablar verilib
"İQNA", "Əs-Səbk" saytına istinadən xəbər verir ki, Məscidül-Həramda 5 milyon zəvvarın dini sualları cavablandırılıb. Ötən il ərzində dünyanın müxtəlif ölkələrindən 5 milyon zəvvar bu baş idarənin proqramından yararlanaraq dini və şəri suallarına cavab alıb.
Zəvvarların suallarını cavablandırmaq məqsədi daşıyan proqram iki əsas hissədən ibarətdir. Birincisi, dünyanın hidayətinin qibləsi olan Məscidül-Haram haqqında Qurani-Kərimin "Ali-İmran" surəsinin 96-cı ayəsində buyurulur: “Həqiqət budur ki, insanlar üçün tikilən ilk ev Məkkədir. Bu ev, aləmlərə hidayət və bərəkət mənbəyidir”.
İkinci hissədə bu qurumun tərtib etdiyi və dərc etdiyi xüsusi proqramlar və ərizələr vasitəsilə zəvvarların suallarına cavablar yer alıb.
Məscidül-Həram və Məscidün-Nəbi baş müdirliyinin verdiyi açıqlamaya görə, dini və şəri məsələlərə cavab vermək üçün sahə xidmətləri Məscidül-Haram daxilində 19 fərqli yerdə və 11 dildə ən son qurğular və müasir texnologiyalardan istifadə etməklə həyata keçirilir.
4235629
