İspaniya lideri Sançes: "İsrailə silah satışını dərhal dayandırın"

İQNA - İspaniyanın baş naziri Sançes bəyan edib ki, Aİ İsraillə qüvvədə olan azad ticarət sazişini yenidən nəzərdən keçirməlidir.

"Sputnik"-in verdiyi xəbərə görə, İspaniyanın baş naziri Pedro Sançes, Avropa İttifaqının (AB) İsrailin insan haqlarını pozduğuna görə İsraillə azad ticarət razılaşmasını yenidən nəzərdən keçirməsinin lazım olduğunu bildirib.
Sançes həmçinin beynəlxalq ictimaiyyəti İsrailə silah satışını dayandırmağa çağırıb.
İspaniya və İrlandiya Fevral ayında Qəzzada baş verən münaqişələrdən və İsrailin beynəlxalq insan haqları qanunlarını poza biləcəyindən narahat olan Aİ-İsrail Assosiasiya Sazişinə yenidən baxılmasını istəyib. Lakin hələlik Brüsseldən rəsmi cavab gəlməyib.
"İnsan hüquqlarının pozulduğuna dair əlamətlər olarsa, Aİ Komissiyası nəhayət, İsraillə assosiasiya sazişinin dayandırılması tələbinə cavab verməlidir", - Sançes bazar ertəsi qatıldığı tədbirdə deyib.
Bundan əlavə, İspaniya lideri sionist rejimin baş naziri Benyamin Netanyahunun BMT-nin Livandakı müvəqqəti qüvvələrinin (UNIFIL) münaqişə zonasından çıxarılması tələblərini pisləyib. "UNIFIL geri çəkilməyəcək" deyən Sançez İsrailin sülhməramlılara hücumlarını tənqid edib.