Amerika yəhudiləri Trampın Qəzza planına qarşıdırlar
"İQNA", "Ərəbi 21" saytına istinadən xəbər verir ki, sorğunun nəticələrinə görə, Amerika yəhudiləri prezident Donald Trampın ötən ay açıqladığı Qəzza zolağı planlarına qarşı olduqlarını bildiriblər.
Bu sorğu Yəhudi İctimai Siyasət İnstitutu (JPPI) tərəfindən keçirilib və amerikalı yəhudilərin 59 faizi Trampın təşəbbüsünə qarşı çıxıb.
“Maariv” qəzetinin yazdığına görə, bu sorğunun nəticələri ABŞ və İsraildəki yəhudilərin münasibəti arasında ciddi uçurum olduğunu göstərir.
Amerika yəhudilərinin yalnız 17 faizi ABŞ-ın Qəzzaya nəzarəti ələ keçirməsinə imkan verəcək tədbiri dəstəkləyir.
İştirakçıların 24 faizi bu sahədə fikirlərini ifadə etmək üçün daha çox təfərrüata ehtiyac duyduqlarını bildirib.
Trampın Qəzza əhalisini başqa ölkələrə köçürmək təklifi ilə bağlı aparılan bu sorğu yəhudi icmaları arasında böyük uçurumu ortaya qoydu.
Amerika yəhudilərinin yalnız 20 faizi bu təklifi praktiki və mümkün hesab etsə də, İsraildəki yəhudilərin təxminən 50 faizi Trampın planının həyata keçirilə biləcəyini düşünür.
Antisemitizm və ABŞ-İsrail münasibətləri ilə mübarizəyə gəlincə, respondentlərin təxminən üçdə biri (32 faiz) Trampın bu iki sahədə “doğru şeyi” edəcəyinə inandıqlarını bildirib.
Rəyi soruşulanların 41 faizi Trampa İsrail-ABŞ münasibətlərini düzgün idarə edəcəyinə inanmadıqlarını bildirib. Rəyi soruşulanların 42 faizi Trampın antisemitizmlə mübarizə qabiliyyətinə inanmır, yalnız 23 faizi bu məsələdə ona güvəndiyini bildirib.
4269051
