Qətərdə tələbələr arasında Quran yarışı
“Əl-Ərəb” saytının verdiyi məlumata görə, müsabiqə, Qətərin Təhsil və Ali Təhsil Nazirliyi ilə birgə təşkil olunub və böyük marağa səbəb olub.
Müsabiqədə müxtəlif təhsil səviyyələrində olan 24 000-dən çox oğlan və qız tələbə iştirak edir.
Qətər Dini İnformasiya və İrşad Departamentinin sədr müavini və Müsabiqənin Təşkilat Komitəsinin sədri Şeyx Əbdür-Rəhman ibn Əbdül-Əziz Ali Sani yarışın yerli vaxtla səhər saat 8:30-dan 11:00-a qədər keçirildiyini bildirib.
Qətər Vəqflər və Dini İşlər Nazirliyi müxtəlif bölgələrdən olan iştirakçıların yarışlarını qiymətləndirmək üçün 97 komitə yaradıb. Bu müsabiqələr mayın 8-dək davam edəcək.
Şeyx Əbdür-Rəhman ibn Əbdül-Əziz Ali Sani Quran hifzi nazirliyinin səylərini dəstəkləmək üçün qaliblərə pul mükafatlarının ayrıldığını bildirdi.
Nazirlik kişilər üçün Dohadakı Məhəmməd İbn Əbdül-Vahhab məscidi və qız tələbələr üçün ölkə üzrə 12 Quran mərkəzi də daxil olmaqla 4 əsas məscid təyin edib.
4279463
