Dünyanın hər yerində Qəzzaya dəstək nümayişləri keçirilir
“İQNA”, “Ərəbi 21” saytına istinadən xəbər verir ki, Mərakeşdə minlərlə insan 74-cü həftəni geridə qoyaraq humanitar yardımın bölgəyə çatması üçün bütün sərhəd qapılarının açılmasını istəyib.
Mərakeşdə Fələstin İşinə Dəstək üzrə Mərakeş Komitəsinin çağırışı ilə Kasablanka, Tanjer, Tetuan və Tarudant da daxil olmaqla bir sıra şəhərlərdə nümayişlər keçirilib.
Nümayişçilər həmçinin işğalçı İsrail hökumətinə “Amerikanın birbaşa dəstəyini” pisləyiblər. Onlar həmçinin Qəzza və Fələstini dəstəkləyən çoxsaylı pankartlar qaldıraraq, İsrail işğalının fələstinliləri Qəzzadan köçürmək planlarını pisləyiblər.
Bu həftəki etirazlar zamanı “Mühasirəni qaldırın, keçidləri açın” kimi şüarlar da səsləndirilib.
Yəməndə Əbdül-Məlik əl-Husinin çağırışı ilə yüz minlərlə insan Səna da daxil olmaqla 14 əyalətdə nümayişlər keçirib. “Qəzzanın yanındayıq” şüarı ilə keçirilən nümayişlərdə ABŞ-ın İsraili dəstəkləməsinə baxmayaraq, Yəmənin Fələstinə dəstəyi bir daha vurğulanıb.
Mavritaniyanın paytaxtı Nuakşotda Qəzzada dinc əhaliyə qarşı törədilən cinayətləri şiddətlə pisləmək üçün böyük nümayişlər keçirilib.
Nümayişçilər İsrailyönlü səfirlərin ölkədən çıxarılmasını və istənilən normallaşmaya son qoyulmasını tələb ediblər. Onlar hökumətlərindən daha qətiyyətli mövqe tələb ediblər və 2023-cü ilin oktyabrından Qəzzada davam edən soyqırımı pisləyərək Qəzza ilə həmrəylik nümayiş etdirən xalq aksiyalarını davam etdiriblər.
Nümayişçilər xalq hərəkatlarının davam etdirilməsinə və yardım tədbirlərinin gücləndirilməsinə çağırıblar.
İştirakçılar işğala qarşı, Fələstin xalqının sabitliyinə dəstək verən bayraqlar qaldırıb və şüarlar səsləndirib, işğala qarşı ərəb və islamın vahid mübarizəsinin zəruriliyini vurğulayıblar.
Dünya Bankının verdiyi məlumatlarına görə, Qəzzada son 19 ayda işğalçı İsrail administrasiyasının həyata keçirdiyi soyqırımdan sonra yoxsullaşan 2,4 milyon fələstinli tamamilə xarici yardımdan asılı vəziyyətə düşüb.
4279873
