Sionistlər İslam əlyazmalarını oğurlayaraq müsəlman kimliyini silməyə çalışırlar
“Əl-Cəzirə” telekanalının verdiyi məlumata görə, işğalçılar Fələstinin kənd və qəsəbələrindəki bütün sənədləri və əlyazmaları oğurlayaraq müsəlman mədəni kimliyini məhv etmək məqsədi daşıyan bu talanları həyata keçiriblər. Xəbərin xülasəsi belədir:
Mərakeşlilər İsraillə normallaşmaya qarşıdırlar. İsrail Milli Kitabxanası öz saytında 10 əsr əvvələ aid nadir Mərakeş əlyazmasının şəklini dərc etdikdən sonra qəzəb və narazılığa səbəb olub. Buna səbəb Mərakeş Arxivinin müdirinin mənbə ilə eyni kitabxanaya istinad edərək bu Quran şəklini öz səhifəsində yenidən dərc etməsi olub.
Bu hadisə, sionist işğalçılara bağlı bir kitabxanada baş verən ilk hadisə olmasa da, qiymətli əlyazmaların mənşə ölkələrindən oğurlanaraq başqa yerlərdə tapılması problemini bir daha gündəmə gətirib.
Əbdüs-Saməd Bəlkəbir kimi tədqiqatçılar sionistlərin müsəlman xalqların irsini əlindən almaq strategiyasını pisləyir və bildirirlər ki, sionist hərəkat mədəni vasitələrlə də olsa, Fələstin üzərindəki hökmranlığını qanuniləşdirməyə çalışır.
İbrani Universitetində 1948-ci ildə talan edilmiş əlyazmalar sərgilənir
Normallaşmaya qarşı olan Mərakeş mərkəzinin rəhbəri Əhməd Vihman bu əlyazmanın Sultan Əbul-Həsənin qızıl hərflərlə yazdığı və Səlahəddinin oğluna hədiyyə etdiyi əlyazma olmasından narahatdır.
İsrail işğalçılarının kitabxanasında Mərakeşə aid çoxlu sənədlərin olduğunu bildirən Əhməd Vihman bunun mərakeşlilərin mədəni və sivilizasiya irsinin oğurlanması anlamına gəldiyini və bütün Mərakeş səlahiyyətlilərinin cavab verməli olduğunu bildirib.
Belkəbir hesab edir ki, Mərakeş bu xəzinələri geri almaq üçün satın almaq da daxil olmaqla mümkün olan hər şeyi etməlidir və beynəlxalq hüquq belə bir yanaşmanı dəstəkləyə bilər.
Normallaşma Əleyhinə olan mərkəzin rəhbəri Əhməd Vihman Mərakeşin müvafiq qurumlarını Qüdsün müxtəlif bölgələrindən talan edilmiş (1967-ci il altı günlük müharibə zamanı) arxivlərin qaytarılması üçün təcili beynəlxalq petisiya təqdim etməyə çağırıb.
İşğal olunmuş ərazilərdə İsrail kitabxanası
Sosiologiya ustadı Əhməd Vihman əsrlər boyu Qüdsdə yaşayan mərakeşlilərin 1967-ci il Altı Günlük Müharibənin nəticələrini necə çəkdiklərindən danışır. Can itkisi və məcburi köçkünlüklə yanaşı, onlar məhəllələrinin İsrail ordusu tərəfindən dağıdıldığını gördülər. Ərəbcə və Amazığ dilindəki mühüm tarixi sənədlər talan edildi. Sonralar bu ərazi yəhudi məbədi adlanan ritualların keçirildiyi yerə çevrildi.
Əl-Əqsa Əlyazmaları və İslam İrsi Mərkəzinin direktoru Rıdvan Əmr deyir ki, bu kitabxanaya baş çəkdiyiniz zaman və ya onun arxivinə baxdığınız zaman oradakı ərəb və islam əlyazmalarının çoxluğundan dərin sarsıntı keçirəcəksiniz.
Direktor Əmr, İslam dünyasında heç bir tayı-bərabəri olmayan bu nadir əlyazmaların İsrail işğalçılarının nəzarəti altında olan kitabxanaya necə düşdüyünü soruşur.
O, İsrail qüvvələrinin kolleksiyaçılarla əməkdaşlıq edərək 1948-1967-ci illər arasında Fələstindəki evlərdən, məscidlərdən və kitabxanalardan sistemli şəkildə əlyazmaları və arxivləri oğurlamasından bəhs edir. Bu sərvətlər hazırda İsrail Milli Kitabxanasında nümayiş etdirilir.
“Bu oğurluq təkcə bir Quranla məhdudlaşmır” deyən Əmr, Mərakeş, Suriya və digər yerlərdən Fələstinə gətirilən möhtəşəm Quran nüsxələri kolleksiyaları ilə yanaşı, İbn Teymiyyəyə aid edilən “Kainatın yaradılışı” kimi əsərlərin də olduğunu qeyd etdi ki, onların başqa heç bir nüsxəsi yoxdur.
“Yehuda kolleksiyası” kimi tanınan əhəmiyyətli bir əlyazma kolleksiyası 20-ci əsrin əvvəllərində, İsrail dövlətinin qurulmasından əvvəl yığılmışdı. O, adını ərəb-islam sivilizasiyasına həvəsli olan yəhudi kolleksiyaçısından götürüb. O, bu əlyazmaları Dəməşq, Qüds və Fələstin kimi şəhərlərdə ucuz qiymətə alıb, kolleksiyasının bir hissəsi İsrail kitabxanalarına köçürülüb.
Mərakeşli Müshəf
“Bu kitabxanalarda hələ aşkar edilməmiş çox mühüm əlyazmalar var, çünki israillilər bu kitabların yalnız kiçik bir hissəsini nümayiş etdirirlər” deyə Əmr izah edir. İsrail işğalçılarının kitabxanalarında ən azı 40 min ərəb və islam əlyazması olduğunu bilirik.
Rıdvan Əmr əlyazmaların, sənədlərin və keçmişin irsinin də işğalçıların zülmündən əziyyət çəkdiyini və bu əlyazmaların hazırda işğalçıların kitabxanalarında saxlandığını bildirib.
Hazırda, Qüds şəhərinin müxtəlif kitabxanalarında 8000-ə yaxın əlyazma yayılmışdır. Bunlardan ən önəmlisi 4 min əlyazma nüsxəsini ehtiva edən Məscidül-Əqsa Kitabxanasıdır.
Sonda Əmr bildirdi ki, onun komandası Əl-Əqsa məscidinə irs edilmiş əlyazmaların tapılması, kataloqu və bərpası üzərində fəal işləyir. Onlar Qüdsdəki ailələrlə birlikdə bu əsərləri öz İslam irsinə qaytarmaq və məscidin bərpa mərkəzində saxlamaq üçün çalışırlar.
4280065
