Pakistan Prezidenti Kazimeyn (ə) hərəmini ziyarət etdi
“İQNA”-nın “Nun” xəbər agentliyinə istinadla verdiyi məlumata görə, bu ziyarətdə Kazimeyn Müqəddəs Hərəminin rəhbərliyi və İmam Kazim və İmam Cavadın (ə) xidmətçisi Heydər Əbdüləmir Mehdi bu heyəti qarşılayıb. Bu addım Kazimeyn hərəmi tərəfindən iki ölkə arasında dini və mədəni əlaqələrin gücləndirilməsi istiqamətində atılmış bir addım kimi dəyərləndirilib.
Müqəddəs Kazimeyn hərəminin bəyanatına görə, bu görüşdə hərəmin mövqeyi və onun dini-insani rolu müzakirə olunub. Həmçinin İraq və Pakistan xalqları arasında qardaşlıq bağlarını və əlaqələri möhkəmləndirmək məqsədilə mədəni və dini sahələrdə birgə əməkdaşlığın gücləndirilməsi yolları barədə fikir mübadiləsi aparılıb.
Digər tərəfdən, Pakistan heyəti səmimi qarşılanmaya görə təşəkkürünü bildirərək, Pakistan İslam Respublikasının İraqla tarixi münasibətlərindən qürur duyduğunu vurğulayıb və müqəddəs hərəmlərin sülh və birgəyaşayış dəyərlərinin möhkəmləndirilməsindəki mənəvi və mədəni rolunu yüksək qiymətləndirib.
4324451
