Fələstin alimləri: Məscidül‑Əqsanın İslam kimliyi dəyişdirilə bilməz
“İQNA”, “Fələstin İnformasiya Mərkəzi”nə istinadən verdiyi məlumata görə, bəyanatda vurğulanır ki, Məscidül‑Əqsanın həyətlərinə edilən basqınlar və yeni reallıqlar yaratmaq cəhdləri xüsusilə mübarək Ramazan ayında müsəlmanların dini suverenliyini hədəf alan təhlükəli bir eskalasiyadır.
Heyət qeyd edib: Məscidül‑Əqsa 144 dönümlük bütün sahəsi ilə tamamilə İslami və şəriətə uyğun bir vəqf məscididir və onun kimliyi dəyişdirilə bilməz.
Bu qurum İslam ölkələrini Məscidül‑Əqsanı müdafiə etmək üçün vahid və hərtərəfli mövqe ortaya qoymağa çağırıb və Qüdsdə fələstinlilərin möhkəm dayanışmasına dəstək verilməsinin zəruriliyini vurğulayıb.
Bəyanatda dövlətlərə müraciət edilərək bildirilib ki, təkcə sözlü qınama ilə kifayətlənməsinlər; Qüds sakinlərinə real dəstək göstərmək və diplomatik kanalları aktivləşdirməklə Məscidül‑Əqsanın qorunması üçün əməli addımlar atsınlar.
Fələstin Alimlər Heyəti sonda vurğulayıb ki, Qüds xalqı Məscidül‑Əqsanın müdafiəsində ön cəbhədə dayanır.
4336730
