Axios iddia etdi: İran danışıqlar üçün yeni təklif təqdim edib
“İQNA”-nın məlumatına görə, Axios üç amerikalı rəsmiyə istinadən yazıb ki, ABŞ Prezidenti Donald Tramp bazar ertəsi günü Ağ Evin “Vəziyyət otağı”nda milli təhlükəsizlik və xarici siyasət komandası ilə İran məsələsinə dair iclas keçirəcək.
Bir mənbə bildirib ki, Trampın komandası danışıqların gedişini və mümkün növbəti addımları müzakirə edəcək.
Bu arada, İranın xarici işlər naziri Seyyid Abbas Əraqçi bu həftə Pakistana səfər edib, daha sonra Oman səfərində Hörmüz boğazı məsələsini müzakirə edib. Ardınca yenidən Pakistana qayıdıb və bu gün – bazar ertəsi – Rusiya Prezidenti Vladimir Putinlə görüşməsi gözlənilir.
Mövzudan xəbərdar iki mənbə deyib ki, Əraqçi İslamabaddakı görüşlərində nüvə məsələsi üzrə danışıqların başqa bir vaxta təxirə salınması təklifini gündəmə gətirib.
Axios-un yazdığına görə, ABŞ İranın uranın zənginləşdirilməsini müəyyən müddətə dayandırmasını istəyir.
İranın yeni təklifi, Pakistan vasitəçiləri tərəfindən ABŞ-a çatdırılıb və ilk növbədə Hörmüz boğazı ətrafında yaranmış böhranın və ABŞ-ın dəniz blokadasının həllinə fokuslanır.
Bu çərçivədə:
- Atəşkəsin uzun müddətə uzadılması,
və ya
- Müharibənin daimi şəkildə sona çatdırılması barədə razılaşma
variantları nəzərdə tutulur.
Təklifə əsasən, nüvə danışıqları daha sonra, yəni Hörmüz boğazının yenidən açılması və dəniz blokadasının qaldırılmasından sonra aparılacaq.
Ağ Evin sözçüsü Olivia Wiles Axios-a bildirib:
“Həssas diplomatik məsələlər mövcuddur və ABŞ media vasitəsilə danışıqlar aparmır.”
4348822
