Danndu qur’aana kariimu international fuɗɗima to Tunis
danndu tatɗuru international kunjagol e jaŋngugol qur’aana Tunis fuɗɗima e hanki 25/08/2013 e dow tawtoreede ko yaata e lomtooɓe leyɗe 23 to (Barbur).
Cimtol jaaynde qur’aaniyaŋkoore interational (iqna) egginiɗum ko e aayaawo habrirde (tap.info), danndu tatɓuru international kunjagol e jaŋngugol qur’aana kariimu e innde (seykh Muhammad ben Yalushaa) fuɗɗiima hanki e dow tawtoreede ko yaata e danndiyaŋkooɓe 44 ummorɓe e nder leyɗe 24 aduna to tuunde wi’eteende (Barrdo) ina jogorii jokkoyde ɗoo haa e aljuma 29/08/2013.
E nder joɗnde udditirde danndu nduu, Ali Al ariid premier minister leydi Tunis e nder yeewtere makko, o anndinii wonde yuɓɓude dannduuji qur’aana ko laawol fii sembinde hakunde juulɓe , o wi’i: woni faandaare yuɓɓude nduu ɗoo danndu, ko fii sembinde ceheleegu hakunde musidal juulɓe e hirjinde sukaaɓe ɓe faade e qur’aana. Kala no yimɓe ɓee poti huccitirde e qur’aana, ko noon sukaaɓe ɓee potta woɗɗitorde geɗe ɓurtin gol e diine wano yoga e pelle woni e wadde tabliigh nii.
Ko hono noon kadi, nur diin khadimii, minister fiyakuuji lisilaam Tunis oo kadi hollirii wonde: nduu danndu ko e dow porogaraam laamu fii yajinde e ɓeydude hunjiiɓe e jaŋngooɓe qur’aana e udditde kadi (duɗal qur’aana toowngal Tunis) ko ɓadii waɗiraa.1277496
